Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Pereiro promete guerra no Tour

"Non vallo para ir a roda"

Óscar Pereiro aspira a intentar o triunfo de etapa antes do domingo e de paso amarrar posto no Top Dez da carreira.

Redacción - 12:53 24/07/2007

Este martes hai xornada de descanso no Tour de Francia, tempo para a recuperación que chega para o representante galego nun momento axeitado, xa que confesa que a tirada do pasado luns polas montañas pirenaicas foi o día en que as pernas peor lle responderon.

"As sensacións non foron boas", confesa Óscar Pereiro na súa bitácora, a quen a cabeciña lle pedía combate na montaña nesa xornada e intentou desde o principio coller a escapada boa. "Ao estar entre os quince primeiros da clasificación xeral non hai lugar para concesións perigosas", reflexiona, lembrando a escapada onde apañou trinta minutos de vantaxe que lle serviron para saír vencedor en 2006.

E porén, o ciclista galego pon o ollo na tirada deste mércores: etapa raíña, con dous portos especiais, dous de primeira e un máis de terceira. Todo un desafío para as minguantes forzas dos corredores, que deberán rematar esa etapa agatuñando as ramplas do Col d'Aubisque, cima histórica do Tour nos Pirineos.

E se desa non vai, Pereiro avisa: " Non me darei por vencido ata que acabe o Tour o domingo nos Campos Elíseos". Ademais, un obxectivo engadido: "Tamén me gustaría facerme un oco no Top Ten xa que nos tres Tours que participei estiven aí".


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: