Edición xeral
Batasuna crea unha páxina na rede para pedir a posta en liberdade de Otegi
O partido acaba de abrir unha páxina web para que a cidadanía esixa a posta en liberdade inmediata do seu dirixente, Arnaldo Otegi, que cumpre unha condena de 15 meses de prisión no cárcere de Martutene.
O partido vasco asegurou que esta iniciativa comezou tras manter contactos con diferentes axentes e partidos políticos, que tamén van asinar na páxina, mostrando a súa solidariedade con Otegi e esixindo a liberación do dirixente da esquerda abertzale.
Na web www.arnaldoaskatu.org aparece un texto con tres puntos, condensuados entre os colectivos cos que Batasuna contactou. Nel tamén se destaca que a interlocución política, entre persoas e organización, é "un elemento básico" para conseguir acordos e labrar un escenario de paz.
Os que subscriben o texto mostran o seu rexeite ao encarceramento de Otegi, ao que definen como "un dos principais interlocutores da esquerda abertzale" e piden "ás autoridades xudiciais pertinentes a súa posta en liberdade".
Otegi foi metido no cárcere de Martutene o pasado 8 de xuño, por participar nun acto de lembranza a Jose Miguel Beñaran Ordeñana, Argala, militante de ETA morto nun atentado reivindicado polo BVE (Batallón Vasco Español).
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto