Vieiros

"Trátase dun orzamento que espero que medre varios puntos por enriba do IPC, por enriba da taxa de inflación e do propio crecemento dos prezos", detallou Emilio Pérez Touriño este domingo, adiantando que o Goberno presentará unhas contas "absolutamente saneadas e en equilibrio".

A prioridade máxima será deste xeito o "capital produtivo" co obxectivo de que priorizar "por riba de todo aquilo que fai que a economía poida seguir crecendo". Ao fío, Touriño destacou as recentes cifras sobre a caída do desemprego e sobre o crecemento económico do país, por riba da media estatal. A continuación, citou como "segunda prioridade" o "benestar social" que considerou vencellada á meta anterior. "Se temos crecemento, poderemos cumprir a segunda das prioridades, que é o gasto social, as políticas de benestar social pensadas nos cidadáns", comentou.