Vieiros

O conselleiro de Industria, Fernando Blanco, destacou na terza feira que as exportacións galegas "aumentaron un 34,8%" de xullo de 2005 a abril de 2007", o que vén ser o triplo que a media do estado español.

Blanco tamén quixo sinalar que a aumento das vendas galegas no exterior deuse, en xeral, en todos os sectores, e dixo ter confianza en que este bo clima industrial galego se manteña no futuro.

A evolución da balanza comercial en 2006 tamén foi positiva e Galiza situouse, nese ano, como a sexta comunidade con máis mercadorías exportadas. Os destinos principais dos produtos feitos en Galiza son Francia e portugal, e rexistráronse importantes aumentos das exportacións dirixidas aos EUA, Noruega, o Reino Unido e Italia.

Todas estas declaracións do titular de Industria recolléronse nunha súa xuntanza para asinar un convenio de colaboración coas Cámaras Oficiais de Comercio galegas, mediante o Plan de Fomento das Exportacións Galegas (FOEXGA), ao que a Xunta vai dedicar un orzamento de case 4 millóns este año.