Vieiros

Vieiros de meu Perfil


Edición xeral

RSS de Edición xeral
Preocupación en Xunta e sindicatos

Fadesa manterá de momento a sede social na Coruña

Os novos propietarios do grupo inmobiliario aseguran que polo de agora o traslado só lle afecta a medio cento de directivos. Prometen ademais que non haberá despedimentos "masivos".

Redacción - 09:30 02/08/2007

"Dende o punto de vista da carga de traballo, volume de emprego e sede, non se debe variar o que comprometeu Fadesa no seu día", explicou o presidente da Xunta este mércores. Emilio Pérez Touriño revelou que os novos propietarios, Martinsa, comunicaron que de momento a parte operativa de Fadesa segue na Coruña.

"Non haberá traslados forzosos nin expedientes de regulación de emprego", afirmou, recoñecendo con todo que a empresa xa avanzou que até medio cento de persoas integrantes do equipo directivo deberán trasladar a súa residencia da cidade herculina a Madrid. Así e todo, Touriño recoñeceu a "preocupación" do Goberno pola estratexia da empresa cara ao futuro.

Os sindicatos lamentan o "desmantelamento" da empresa
Desde a CIG lembran que o inicio do presunto "desmantelamento" de Fadesa coincide co primeiro proceso electoral que debería finalizar coas votacións ao comité de empresa o próximo día 5 de setembro. Por iso, piden que se respecte o proceso "antes de tomar ningunha medida que lle poida afectar ao cadro de traballadores", de xeito que o comité de empresa poida ter voz nas futuras negociacións.

Por outra parte, o sindicato cualificou de "hipócritas e oportunistas" as declaracións do alcalde da Coruña, Xavier Losada, quen comentara que a venda da inmobiliaria supuña "unha boa noticia para A Coruña e Galiza". Así, pídenlle ao rexedor coruñés "a máxima firmeza" na defensa dos postos de traballo de Fadesa "no noso país".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: