Edición xeral
Stolt Sea Farm estuda emprender accións legais contra ADEGA
A asociación ecoloxista acusara a empresa acuícola de se desfacer dos peixes mortos tirándoos directamente ao mar en ácido fórmico.
Stolt Sea Farm en Quilmas (Carnota) / Foto: ADEGA
A multinacional galega Stolt Sea Farm-Prodemar anunciou esta cuarta feira que se reserva emprender accións legais contra a asociación ecoloxista ADEGA "por imputación de delito ecolóxico e calumnias".
ADEGA denunciara esta semana nos medios (poden consultar o escrito no Open Vieiros) a forma de actuar de piscifactorías como esta que "se desfán dos peixes mortos guindándoos ao mar en ácido fórmico".
"ADEGA dispón de informacións conforme os rodaballos mortos deposítanse en contedores de ácido fórmico ao 85%, subministrados pola química Brenntag, onde se disolven resultando un líquido pastoso de cor vermello sangue. Posteriormente, este líquido bótase directamente ao mar a través dunha arqueta aberta a un sumidoiro", sinala a asociación ecoloxista no seu escrito.
Almacenado en contedores estanco
Stolt Sea Farm-Prodemar, mediante un comunicado de prensa, desmentiu "categoricamente" que se realicen ese tipo de vertidos. Neste senso, explicou que no marco do seu sistema de xestión ISO-14.000 de calidade ambiental estabelécese que todo tipo de residuos, incluídos os peixes, sexan tratados por xestores autorizados.
En concreto, indicou que os peixes mortos se van almacenando -seguindo un protocolo aprobado- en colectores estancos con ácido fórmico até que estes se enchen e o xestor se pode facer cargo deles "para levalos ao centro de tratamento homologado e evidentemente, o sistema prevé que se conserven todos os documentos acreditativos da xestión como albarás de saída ou facturas", aclarou a empresa.
Novas relacionadas
- ADEGA reune aos colectivos de afectados/as contra o novo Plano Acuícola
- ADEGA recomenda aos veciños do litoral, informarse e realizar alegacións ao novo plan.
- 700.000 € por cada posto de traballo: así calqueira fai negocio!
- Adega critica que as piscifatorías de Quilmas e Baroña se aproben á marxe do plan sectorial
- Aprobados dous novos proxectos acuícolas para Porto do Son e Carnota
Comentarios (2)
(a) Stolt Sea Farm non pertence a unha das fortunas de Noruega que ten negocios en múltiples sectores como o transporte marítimo. Polo tanto non é unha empresa galega, senón unha tropo de piratas que arrasa ca costa a galega a precio de saldo. Se o fose daría o mesmo: Pescanova é de aquí e xa vemos cómo trata a Galicia.
(b) O Señorito Pablo García, xerente de Stolt Sea Farm, actúa ó máis propio estilo calabrés: xa o vimos en Baroña, cando ameazou ós veciños con 'expropiacións forzosas' (sic), e a agora ameaza a Adega. Que saiba, que aquí estamos con Adega e cas xentes que defenden a costa das súas zoupas porcallentas.
Teremos que empezar a berrar aquelo de:
Stolt: Go Home!
O que intentan estes impresentables de Stolt Sea Farm é asustar a todos os que se opoñan aos seus plans de destrucción da costa galega, porque para esta multinacional, pagar un xuízo con abogados e procuradores é pecata minuta, pero para unha asociación ecoloxista ou para un particular, os custos do procedemento supoñen un grande transtorno, aínda que despois o xuizo quede en nada, os gastos de abogados hai que pagalos igual.
Ánimo Adega, non vos deixedes intimidar por estes esnaquizadores da costa, e enriba con subvencións públicas, manda carallo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto