Vieiros

Vieiros de meu Perfil


Edición xeral

RSS de Edición xeral
Convocados no xulgado para o mes de decembro

Teiman na causa xudicial contra os veciños que protestaran por Meirama

Aínda rebaixándolles os delitos imputados, segue o proceso contra os veciños que denunciara a Garda Civil pola retención de técnicos da central.

Redacción - 12:30 17/08/2007

Os tres veciños do lugar da Lousa, en Cerceda, enfrontaban unha pena de até seis anos de cárcere, no caso de que fose adiante a denuncia segundo os termos iniciais.

Na altura do pasado mes de febreiro, os denunciados participaran nunha acción en protesta polo almacenamento irregular de carbón durante a cal retiveron a varios traballadores da mina. Malia que os técnicos retidos rexeitaron despois emprender calquera tipo de acción legal, a Garda Civil levou até o xulgado o informe imputándolles delitos de detención ilegal, resistencia á autoridade e desobediencia.

Finalmente, o xulgado admitiu unicamente a denuncia por desordes públicos, que lle afecta a un total de dez veciños e por desobediencia. Xoán Manuel Castro, un dos voceiros do colectivo veciñal, explicou para Vieiros que se inicia unha recollida de sinaturas entre a veciñanza e que se desenvolverán diversas accións en solidariedade cos encausados. Recordámoslles que o conflito xurdira debido aos residuos de carbón que deixaban os camións camiño á fábrica nun treito onde teñen prohibido circular.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: