Edición xeral
Máis da metade dos británicos "desconfían" dos musulmáns
No contorno da UE, os británicos son os máis desconfiados cos musulmáns, mentres que os que lles dan mellor trato, son os franceses, segundo un estudo do Financial Times.
O estudo conclúe que os británicos endureceron o trato cara os inmigrantes musulmáns a raíz das bombas de Londres de 2005. Comparados cos franceses, alemáns, italianos, españois e outros cidadáns da UE entrevistados para elaborar este relatorio, os británicos -o 56 % dos consultados- son os que máis medo teñen a un ataque terrorista no seu país e consideran, -o 38% dos cidadáns consultados- aos musulmáns un perigo para a súa seguridade nacional.
Un dos meirandes grupos de enquisados británicos, o 46%, considera que os cidadáns musulmáns teñen máis influencia política no seu país que noutros da UE, mais tamén opinan que é un grupo de poboación que está a ser albo de maiores críticas inxustificadas no Reino Unido, en relación a outros países.
Noutra banda, son os norteamericanos e mailos alemáns os que, por diante dos británicos, terían máis obxeccións a que un fillo ou unha filla súa casase cunha ou cun musulmán.
Os británicos están a mudar o ideario "progresista e multicultural" que mantiveron durante decenios
En contraste cos británicos, os cidadáns franceses están a mudar a súa política para cos musulmáns, acolléndoos de mellor grado que os británicos. O 21% dos franceses consideran os musulmáns unha ameaza para o seu estado, porcentaxe que contrasta do 52% da poboación consultada, que pensa que este colectivo está a ser inxustamente criticado pola maior parte da poboación.
Este informe conclúe que en Francia sempre se traballou pola integración, mais ben pouco na loita contra a discriminación, sobre todo nos postos de traballo mellor remunerados e socialmente considerados. No Reino Unido acontece xusto o contrario.
En canto á relixión
O informe amosa diferentes puntos de vista sobre a relixión levaba á esfera pública. En Francia, mais tamén no Reino Unido, a relixión é considerada primeiramente algo privado, mais o 25% dos cidadáns británicos e franceses enquisados están de acordo con que haxa escolas relixiosas ou obxectos relixiosos en escolas e lugares de traballo.
Os cidadáns españois, norteamericanos e italianos, porén, amosan máis comprensión e entusiasmo polas mostras relixiosas públicas e a introdución de simboloxía relixiosa en lugares públicos.
Comentarios (7)
Eu, persoalmente, non teño nada en contra deles en calidade de seres humanos. Téñoo contra a súa estúpida relixión totalitarista, egocentrista, misóxina e homófoba!!
Eles non son un perigo para os estados occidentais. Éo a súa relixión.
De que nos vale nos estados occidentais camiñar cara a igualdade e loitar polos dereitos de todos os colectivos sociais se logo veñen estes (e outros) proclamando a súa relixión que só contribúe a dar pasos cara atrás.
A relixión musulmá ten o mesmo de totalitarista, egocentrista, mixósina e homófoba que a cristiá... e se en Europa (e areas de influencia cultural) onde predomina o cristianismo fomos quen de desenrolar sistemas democráticos, cartas dos dereitos humanos, e todo isto... eles tamén poderán, se se lles deixa.
Hai que loitar contra o racismo, dende logo, pero tamén lle hai que facer fronte a calquera fanatismo (non digo que todos os musulmáns o sexan, claro está) que vulnere os máis elementais dereitos humanos: dereito á vida, igualdade entre mulleres e homes, etc. Non facelo, lonxe de ser unha pose "progre" é simple trogloditismo.
relixións, fanatismos, etc. son igual de totalitarios en Oriente ca en Occidente.
Sempre a mesma monserga contra dos pobres do mundo, o caso é criminalizalos. Mira que non é retrógada e fanática a Iglesia católica española, por non ir máis lonxe, e extremista de dereitas...pois nada de nada, os fanáticos e integristas: xa se sabe...os musulmáns! Manda nabo!
O gajo musulmano, e um gajo que está bem a rebentar, um gajo musulmano que ós 15 anos non tivese rebentado con qualquer coisa está e lhe faltar ó respeito ó Buda... gajo de Alfama dixit.
E todos os musulmáns desconfían de Bush
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto