Vieiros

Vieiros de meu Perfil


Edición xeral

RSS de Edición xeral
Asegura que haberá conexións con Trives

Blanco afirma que a A-76 vai pasar por Monforte

O secretario de Organización do PSOE asegura que antes de que remate o ano saberase cal é o trazado escollido

Redacción - 11:50 25/08/2007
Cadea humana en Trives o pasado domingo

Cadea humana en Trives o pasado domingo

Xosé Blanco aproveitou unha visita a Lugo para reiterar que a autovia A-76 vai pasar por Monforte. O dirixente socialista coida que esta opción "articula mellor o país e dá resposta a máis cidadáns". Porén, dixo que o proxecto definitivo vai contemplar conexións coas localidades de Trives e Castro Caldelas.

Mobilizacións en Trives

Pola súa banda, a Plataforma pro-autovía A-76 está a desenvolver unha intensa actividade con numerosas mobilizacións. O pasado domingo convocaron a preto de 4.000 persoas para formar unha cadea humana que cubrise os 17 quilómetros de estrada entre A Pobra de Trives e Larouco.

A plataforma, constituída a finais de 2006, reclama que o trazado da futura autovía Ponferrada-Ourese entre en Galiza polas comarcas de Valdeorras e Terras de Trives, e non por Monforte, xa que segundo argumentan é necesaria para non illar aínda máis unha zona que perde poboación cada ano, e que "xa foi marxinada cando se construíu a N-120".


Ligazóns

1/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: