Vieiros

Vieiros de meu Perfil


Edición xeral

RSS de Edición xeral
Precísanse 15.000

A CIG recollerá sinaturas entre a cidadanía para a revisión da Lei da Función Pública

O sindicato nacionalista promove unha iniciativa lexislativa popular para solicitar no Parlamento unha reforma da disposición adicional 17ª, que estabelece un sobresoldo para os altos cargos da Administración.

Redacción - 11:26 30/08/2007

O sindicato nacionalista CIG informou esta quinta feira da súa intención de realizar unha campaña de recollida de sinaturas entre a cidadanía, co fin de presentar unha iniciativa lexislativa popular no Parlamento.

Esta esixirá a revisión da Lei da Función Pública, concretamente da disposición adicional 17ª, que estabelece un sobresoldo anual vitalicio aos altos cargos da Xunta, incluídos os directores xerais, despois de deixaren a política e volver aos seus postos de funcionarios.

A campaña será presentada publicamente a vindeira semana. A CIG xa está a recoller sinaturas de xeito informal entre os traballadores da Administración, que están a responder satisfactoriamente, segundo informaron fontes da CIG.

Porén, estas mesmas fontes informaron que aínda non teñen constancia de que a proposta fose asinada por algún parlamentario ou alto cargo.


4.82/5 (11 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: