Edición xeral
A CIG recollerá sinaturas entre a cidadanía para a revisión da Lei da Función Pública
O sindicato nacionalista promove unha iniciativa lexislativa popular para solicitar no Parlamento unha reforma da disposición adicional 17ª, que estabelece un sobresoldo para os altos cargos da Administración.
O sindicato nacionalista CIG informou esta quinta feira da súa intención de realizar unha campaña de recollida de sinaturas entre a cidadanía, co fin de presentar unha iniciativa lexislativa popular no Parlamento.
Esta esixirá a revisión da Lei da Función Pública, concretamente da disposición adicional 17ª, que estabelece un sobresoldo anual vitalicio aos altos cargos da Xunta, incluídos os directores xerais, despois de deixaren a política e volver aos seus postos de funcionarios.
A campaña será presentada publicamente a vindeira semana. A CIG xa está a recoller sinaturas de xeito informal entre os traballadores da Administración, que están a responder satisfactoriamente, segundo informaron fontes da CIG.
Porén, estas mesmas fontes informaron que aínda non teñen constancia de que a proposta fose asinada por algún parlamentario ou alto cargo.
Novas relacionadas
- Os altos cargos poden renunciar ao polémico sobresoldo
- A reforma da función pública tamén lle dá o sobresoldo a ex alcaldes e deputados
- Chega a fin de mes un director xeral?
- A CIG propón derrogar o sobresoldo vitalicio para os altos cargos
- Denuncia ao Valedor sobre a "abusiva e inxusta" norma de sobresoldos para altos cargos
Comentarios (2)
Non só se zampan 1 millón de ouros anualmente, co apoio DESCARADO E A GHETA PRESENTE do Sr. Torito, anunciándonos que outras corruptelas iguais xa estaban instituídas antes tanto aquí desde o ano 1998 como noutros lugares, noutras "cortes".
O enfangamento capitalista das institucións mediante a corrupción non pode quedar máis en evidencia, mais o pláceme do presidente do parlamentiño dá ideia da talla ética de entrambos TRIPARTITOS (BNG inclusive, señores, salvo individualidades ou unha só).
Toma os cartos e corre ten unha nova versión nos pomposamente (auto)denominados "representantes" do pobo galego.
Para min que a dignidade hai tempo que fuxíu das institucións con que nos di representar o caduco e decadente capitalismo
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto