Vieiros

A segunda etapa da Vuelta Ciclista a España, entre Allariz e Santiago de Compostela, rematou coa vitoria de Óscar Freire, do Rabobank, que levará a partir de agora o xersei amarelo. O primeiro galego en acadar a meta foi Ezequiel Mosquera, do Karpin, no posto 17. Anteriormente, o seu compañeiro de equipo Gustavo Domínguez protagonizou unha escapada, o que lle valeu a segunda praza na clasificación da montaña, liderada de novo por Serafín Martínez.

Carlos Castaño mancouse nunha caída fronte á escola Mestre Mateo de Compostela, que tamén evitou que Daniele Bennati se mantivese no liderado da competiciónm.

Na clasificación xeral, Mosquera é sétimo. A etapa de mañá será a derradeira no noso país. Partirá de Viveiro até a localidade asturiana de Luarca, cun percorrido de 155 quilómetros.