Vieiros

O famoso Youtube xa ten o seu irmán pequeno en Euskadi. O creador da iniciativa é o xornalista Haritz Rodríguez que sinala que o proxecto xorde da necesidade de dotar á sociedade vasca de ferramentas web 2.0 propias e que estas sexan na súa propia lingua.

Rodríguez sinala que “o propósito de Euskaltube non é facerlle competencia a Youtube, algo que é impensábel tendo en conta o potencial e o número de usuarios cos que conta esta ferramenta pioneira para compartir vídeos. Porén, dende Euskaltube cremos que en paralelo ás ferramentas globais da rede, as ferramentas locais poden ter tamén o seu espazo”.

Aínda que o funcionamento da páxina estará en éuscaro, os vídeos poden estar editados noutras linguas. Haritz Rodríguez fala da satisfacción de poder desenvolver as mesmas funcionalidades que ofrece Youtube, pero esta vez en lingua propia, xa que o contido fixo (menús e notificacións) está integramente en euskera”.

Pode ampliar esta información en Deia e Gara