Vieiros

Vieiros de meu Perfil


Edición xeral

RSS de Edición xeral
ENFRÓNTANSE A PENAS DE ATÉ DOUS ANOS DE CADEA

Xornalistas do diario Deia declaran na Audiencia Nacional acusados de inxuriar ao Rei

O monarca aparecía nunha fotomontaxe humorística ao pé dun bocoi de licor.

Redacción - 13:55 17/09/2007

Dous humoristas gráficos do xornal vasco Deia, Josetxu Rodríguez e Javier Ripa, e o articulista Nicola Lococo declararon esta mañá na Audiencia Nacional. A Fiscalía aponlles un delito de inxurias por ter publicado unha fotomontaxe do Rei Juan Carlos I no suplemento “Caduca Hoy”, que saíu publicado nos xornais Deia e Gara. Os acusados chegaron ás dependencias xudiciais acompañados polo director de Deia, Enrique Santarén, e polo avogado Txema Montero.

A Fiscalía entende que a publicación inclúe graves inxurias contra o monarca con “expresións vexatorias e humillantes”. A polémica fotomontaxe alude a unha cacería en Rusia na que participou o Rei e que vai acompañada do seguinte texto: “Estaba cocido. Mitrofán era un oso de feira. Metérono nunha gaiola e puxérono a tiro do Rei logo de emborrachalo con vodka e mel. Faríano para que estiveran en igualdade de condicións?”

En caso de que sexan condeados, os autores poden enfrontarse a unha pena de entre seis meses e dous anos de cadea.

Poden ampliar información no propio xornal vasco.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: