Edición xeral
O goberno estatal promete 210 euros mensuais aos mozos que aluguen vivenda
A partir do 1 de xaneiro, só para persoas de entre 22 e 30 anos con ingresos anuais inferiores a 22.000 euros. Ademais haberá desgravacións para os de menos de 24.000 euros.
O presidente do goberno español, José Luis Rodríguez Zapatero e a ministra de Vivenda, Carme Chacón, anunciaron este martes o plan deseñado polo seu Executivo para facilitarlles aos mozos o acceso á vivenda.
A partir do 1 de xaneiro de 2008 haberá desgravacións fiscais para todos os cidadáns que vivan de alugueiro e gañen menos de 24.000 euros anuais netos (28.000 brutos), así como tamén axudas directas para mozos de entre 22 e 30 con ingresos inferiores a 22.000, que recibirán 210 euros mensuais para o pago do seu alugueiro por un período máximo de 48 meses. Ademais, estes últimos recibirán un empréstito de 600 euros para o pago da fianza.
As dúas medidas son compatíbeis e supón un custo de 436 millóns de euros no caso das axudas e un descenso de ingresos fiscais de 348 millóns de euros no da desgravación, en total 784 millóns. Estas supoñen un adianto do plan de fomento do aluguer que o goberno do Estado articulará a través unha lei.
Novas relacionadas
- Só sete concellos ofreceron chan para vivenda protexida
- As inmobiliarias recoñecen a crise do sector e prognostican unha caída de prezos
- "Supervivienda": o heroe que defende o dereito a un fogar digno
- Os galegos destinan o soldo bruto de oito anos para adquirir unha vivenda
- Entra en vigor a Lei do Solo
- O prezo da vivenda deixará de medrar en 2009
Comentarios (2)
E os que temos mais de 30,gañamos mil euros escasos e vivimos de prestado,onde carallo nos metemos?????
Populismo barato:
a) Esta é unha competencia das CC.AA. Como demo se vai coordinar esta medida coa bolsa de alugueiro da Xunta de Galiza??
b) Solucións simples para problemas complexos: Que pasaba coa antiga bolsa de alugueiro da Xunta de Galiza?: Unha parella, un dos membros alugáballe o piso ao pai do outro membro da parella co que se beneficiaban da axuda aqueles que xustamente tiñan solucionado o problema da vivenda. Que medidas van artellar para que iso non sexa así agora tamén?
En fin, semella otra máis de ZP, sen pensalas, tarde, mal e arrastro (ante un problema que efectivamente é grave como o do acceso á vivenda).
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto