O PPdeG pide que unha das súas deputadas vote por internet
Por mor do embarazo da parlamentaria por Ourense, Amparo González. A outra vía, máis complicada, é que delegue o sufraxio en Núñez Feijoo.
A deputada popular Amparo González
O Partido Popular de Galicia (PPdG) anda a busca de alternativas para a que súa deputada Amparo González exerza o seu voto cando estea de baixa polo seu actual embarazo. Os conservadores barallan dúas opcións, que González delegue o voto en Alberto Núñez Feijoo, ou que a parlamentaria vote a través de internet; solución sen precedentes no sistema parlamentario galego e estatal.
Con todo, a opción do sufraxio en liña ten posibilidades de saír adiante. E é que o Regulamento do Parlamento de Galicia non recolle que se poida delegar o voto. O sufraxio dos deputados é persoal e intransferíbel, mesmo cando abandonan o seu grupo parlamentario.
Precedente en Cataluña
Fontes parlamentarias explican que, para que o líder dos populares poida pronunciarse no lugar da deputada, sería necesario unha modificación do Regulamento. Dende o Grupo Parlamentario Parlamentario sinalan que xa existe un precedente no Regulamento Parlament de Cataluña, que admite a delegación especificamente para casos de baixas por maternidade.
En todo caso, a proposta aínda non foi presentada de xeito oficial á mesa da Cámara, aínda que a intención do PPdG é facelo durante esta semana.
Comentarios (5)
nos cando esteamos de baixa no traballo, o faremos por internet o senon delegamos nun compañeiro pra que fago a seu tramallo a mais o meu, ve pra creer.Craro si non o conquiren sera unha persecucion cara a eles.
SEMPRE EN GALIZA.
non será o PP o que copie as iniciativas dos separatistas catalans ou agora xa non son diaños que rompen españa
Pois tenvos toda a razón, hai que buscar unha solución para que unha parlamentaria de baixa por maternidade poida exercer o seu voto, e isto non é unha baixa calquera polo tanto ten que entrar inmediatamente a conciliación, ou é que os homes temos que coller unha baixa por paternidade, non, verdade?, é un permiso....
Que diriamos se fose do BNG ou PSOE?. Que pasará cando sexa unha muller do BNG ou PSOE a que teña a baixa por maternidade, imos dicir o mesmo. Non verdade?
O que si lamento é que PP leve a dianteira nisto, da moito que reflexionar e da necesidade de poñernos as pilas, non é?
Pois ala a refomar os regulamentos para que a maternidade non sexa un atranco da participación das mulleres nas política, e compartamos todos a responsabilidades e conscuencias que isto leva.
E verdade, e ten razón no que di CarlosRoca, sexa PP, PSOE ou BNG, no tocante á igualdade non debería haber divisións políticas... aínda que sempre se manexarán intereses.
Sorprendeume ve-lo PP levando a cabo unha proposta social, e dicir, que non favoreza tan só a neoburguesía, pero non todo vai ser malo...
Malo é cando non o PP leva a dianteira nisto, é para facérnolo mirar...:-(
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto