Vieiros

O conselleiro de Medio Ambiente, Manuel Vázquez asegurou na sexta feira que a Xunta vai declarar a inviabilidade das empresas que incumpran reiteradamente cos permisos de residuos habilitados polo goberno galego. Tamén dixo que un total de 55 efectivos van estar controlando, diariamente, dende comezos do mes, a calidade das augas dos ríos da demarcación Galiza-Costa.

Vázquez dixo que o Goberno non pretende perseguir a todo o mundo, mais lembrou que "hai canles que xa no aguantan máis", polo que tamén fixo un chamamento á colaboración de empresas, administracións e cidadáns para que Galiza "nun horizonte razoábel, o país da auga, e que pase a ser o país da auga con calidade".

"Non imos pechar o país, pero todo o mundo debe regularizarse"
A retirada de permisos chegará após a detección do vertido, un proceso de colaboración para depurar os vertidos e se se continuasen cos vertidos, chegaría a sanción e a retirada dos permisos.