Vieiros

Vieiros de meu Perfil


Edición xeral

RSS de Edición xeral
Só en Galiza

Este verán rexistráronse máis de dúas mil denuncias por violencia machista

Este ano houbo un 5 % máis de denuncias en todo o Estado. En Galiza, 2.198 mulleres denunciaron as súas parellas ou ex parellas por malos tratos.

Redacción - 19:06 02/10/2007

Un total de 2.198 mulleres presentaron en Galiza unha denuncia contra a súa parella ou ex parella por malos tratos durante os meses de xuño, xullo e agosto, segundo os últimos datos oficiais.

Deste xeito Galiza situouse como a quinta comunidade do Estado con maior número de denuncias, por detrás de Andalucía, Madrid, Valencia e Canarias.

200 denuncias diarias en todo o Estado

No Estado Español 17.805 mulleres denunciaron este verán ter sufrido malos tratos, o que supón unha cifra próxima ás 200 denuncias diarias, un 5,2 % máis do que o pasado verán.

En todo o Estado faleceron unhas 57 mulleres a man da súa parella ou ex parella.

Ao parecer as mulleres de entre 21 e 40 anos son as que presentan un maior número de denuncias, seguidas daquelas con idades comprendidas entre os 41 e os 50 anos. A meirande parte das denunciantes son mulleres con nacionalidade española.


Ligazóns

5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: