Vieiros

Os titulares da compañía Safety Creative presentaron Savecreative, o primeiro rexistro global e libre de propiedade intelectual en Internet.

Coa explosión de Internet o copy paste púxose á orde do día. Co obxectivo de porlle un freo, lanzouse o primeiro rexistro de carácter internacional e libre da propiedade intelectual na Rede. Os titulares de Safe Creative e impulsores do proxecto aseguraron que a páxina permitirá "rexistrar e depositar obras en calquera formato e xeito gratuíto".

Cal é o beneficio?
Calquera usuario poderá rexistrar o seu dereito sobre calquera tipo de obra que cree e publicado, xa sexa textos, MP3, fotos dixitais, vídeos, ou calquera outro tipo de formato.

Segundo os seus creadores, o novo servizo "dificulta o plaxio das obras e facilita a difusión e coñecemento dos artistas". Ademais, ao ser "global, libre, aberto, independente e gratuíto", achega "seguridade" no novo escenario de difusión da cultura, e facilita a autogestión de dereitos mediante a modalidade copyright" ou copyleft que se prefira, indicaron.

O slogan do proxecto é, nin máis nin menos que "protexe a túa creatividade". A plataforma tecnolóxica e a infraestrutura do proxecto foi proporcionada por NTT Europe Online.