Pídenlle ao Valedor que o Concello da Coruña retire a simboloxía franquista
A Lei de Memoria Histórica posta en marcha no parlamento español obrigará a que todas as administracións públicas cumpran con esta medida.
Edificio da Aduana Real da Coruña / Foto: Turgalicia
A Comisión pola Recuperación da Memoria Histórica da Coruña entregoulle este mércores un escrito ao Valedor do Pobo pedíndolle que lle obrigue ao goberno local a eliminar a simboloxía franquista existente en varios edificios públicos da cidade.
A presidenta da asociación, Beatriz Gómez Amigo, asegurou que esta simboloxía "é ilegal dende hai 26 anos", data en que se aprobou a lei sobre o escudo constitucional do Estado, "que daba un prazo de tres anos para eliminar os devanditos escudos da vía pública".
Gómez Amigo dixo que o 18 de xaneiro de 2006 remitíranlle unha carta ao presidente do goberno español, José Luís Rodríguez Zapatero, para que coñecese a situación, mais que dera "a resposta do mudo". Posteriormente, o pasado 3 de abril, levouse a pleno a retirada desta simboloxía, mais PSdeG e PPdeG rexeitaron a moción; o BNG votou a favor.
Varios edificios da cidade
Gómez Amigo criticou que o Concello da Coruña "leve anos a incumprir reiteradamente a lei e a loitar contra a normalización lingüística", mais ao actual goberno municipal bipartito "non lle queda outra" que eliminar os escudos ilegais: a vidreira da escaleira principal da entrada da casa do concello, a fachada do Cuartel de Atocha, a fachada do edificio de Correos, a do edificio da Aduana ou a da Comandancia da Mariña.
Precisamente, a petición coincide estes días co acordo ao que chegaron no parlamento español todos os grupos, agás o PP e ERC, para pór en marcha a tramitación da Lei de Memoria Histórica, que obrigará a todas as administracións públicas a retirar os símbolos franquistas dos seus edificios, prazas e rúas.
Novas relacionadas
- Avenida de Galiza, Avenida de Galicia ou Rúa de José Antonio?
- Díaz confirma que o concello retirará a simboloxía franquista de Ferrol
- Deitan símbolos da ditadura franquista diante da sede central da Xunta
- Quince edificios de titularidade estatal manteñen "símbolos franquistas"
- O rueiro franquista de Vázquez chegou á Moncloa
- Acto de protesta en Lalín pola pervivencia de símbolos franquistas na vila
- Franco segue sendo "fillo predilectísmo" da Coruña grazas ao PSOE
- Proposta para a eliminación "paulatina" dos símbolos franquistas
- Francisco Vázquez rexeita suprimir os símbolos franquistas na Coruña
Comentarios (10)
Pajarraco, están borrando en Lacoru los signos de tus amigos...!
KORUÑAKO LORPENA AURRERA!!!
Dubido que este Valedor tan amigo do galego faga algo, espero trabucarme
A iniciativa é boa, mas que acontece com o nome fascista das ruas? Por exemplo, a rua da «División Azul» (soldados espanhóis que Franco enviou para luitarem à beira de Hitler na Segunda Guerra Mundial), e outras muitas. E com os nomes de instituições como o Hospital que leva o nome do conhecido carniceiro e falangista Juan Canalejo?
Por suposto que si... creo que coa nova Lei tamén terá remedio
¿"E com os nomes de instituições como o Hospital que leva o nome do conhecido carniceiro e falangista Juan Canalejo?"
Que desconsiderados e intolerantes sodes con verdadeiras glorias da medicina na aplicación de lavativas de aceite de ricino, garrotes e tiros. Vos non o sabedes pero as nosas gloriosas autoridades sanitarias (tanto as pasadas, como polo visto ás actuais coa insigne conselleira ao frente, ademais da xerencia do propio hospital) sí que saben o moito que lle debe a medicina ao tipo que lle da nome ao hospital. O único que non entendo é porque o seguen a escribir mal: o verdadeiro é Juan CanaLLejo.
Os nomes dos hospitais e das ruas também são símbolos. Se retiram uns terão que retirar os outros.
Perfecto: CANALLEJO, dos CANALLEJOS DE TODA A VIDA, veciños e residentes na CURUÑA. Cántos hai ainda, mimadriña!
Que lle imos facer... La Coruña es así (ironía)... Haber se se dan conta dunha vez os coruñeses que son galegos porque senón vano pasar moi mal cos tempos que se aveciñan.
Se cambiasen todos os nomes das rúas que teñen nome de persoa, arranxarían o problema para moitos anos.
General Sanjurjo, Juan Flórez, Teresa Herrera, Juan Canalejo, Francisco Vázquez, Alfonso Molina, María Pita...
Cambialos por nomes de cidades, vilas galegas, ríos, mares, océanos, planetas, animais, cousas...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto