Vieiros

Vieiros de meu Perfil


Fwwwrando

RSS de Fwwwrando
ANTONIO POSSE, DA CRTVG, ENXEÑEIRO DO ANO

Os 'telecos' premian ao mellor das novas tecnoloxías galegas

Un sistema que localiza enfermos de alzheimer é un dos gañadores dos Premios Galicia das Telecomunicacións e da Sociedade da Información 2007

Redacción - 18:14 11/10/2007
Cartel da Gala da Toxa

Cartel da Gala da Toxa

O Colexio Oficial de Enxeñeiros de Telecomunicación de Galicia (COETG) anunciou hoxe o fallo dos tradicionais Premios Galicia das Telecomunicacións e da Sociedade da Información. Entre os galardoados está Arantia, firma compostelá especializada en solucións para a televisión por internet.

Esta filial de Televés gañou o premio o premio á mellor aplicación TIC pola "súa aposta pola tecnoloxía aplicada ao sector hoteleiro, ao ofrecer aos usuarios todo un abano de innovadores servizos de ocio e de entretemento a través do televisor".

Arantia acaba de lograr un contrato de cinco millóns de euros cunha das principais eléctricas de Francia, EdF, para venderlle solucións de vídeo en rede. Así o explicaba o seu director, Jacobo Penide, nunha recente entrevista publicada en Vieiros.

Contra as demencias

O Premio ao Mellor Proxecto TIC con Beneficios Sociais correspóndelle ao Sistema Intelixente de Monitorización de Alertas Persoais (SIMAP) da sociedade Tecnocoid. Esta firma creou unha ferramenta que permite a localización inmediata das persoas enfermas de alzheimer ou con demencias leves.

O Premio pos á Mellor Iniciativa Empresarial TIC é para a empresa Imatia Innovation "pola introducción de valor en mercados tradicionais, a creación de emprego tecnolóxico e a actividade en I+D".

Por último, o director técnico da Compañía Radio-Televisión de Galicia (CRTVG), Antonio Posse, foi designado "Enxeñeiro do ano" por, entre outros factores, contribuír a "dotación, desde o seu posto, da máis alta tecnoloxía no equipamento do ente público autonómico galego CRTVG".

Gala na Toxa o día 19

O acto de entrega das distincións terá lugar o vindeiro 19 de outubro, venres, na XII edición da Noite Galega das Telecomunicacións e da Sociedade da Información, que se celebrará no Gran Hotel da Toxa (O Grove, Pontevedra).

O COETG agarda xuntar a 300 profesionais da tecnoloxía na tradicional cita da Toxa. O presidente da Xunta, Emilio Pérez Touriño, e o conselleiro de Industria, Fernando Blanco, serán dous dos asistentes.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: