A Universidade de León poderá facer exames do Celga
Nas vindeiras datas asinará un acordo coa Secretaría Xeral de Política Lingüística que lle permitirá ofertar cursos preparatorios de niveis 1 e 4.
O Centro de Idiomas da Universidade de León vai ofrecer, a curto prazo, cursos preparatorios para a obtención do Certificado de Lingua Galega (Celga), nos niveis 1 e 4.
Nas vindeiras datas asinarase un protocolo de colaboración entre esta institución académica e a Secretaría Xeral de Política Lingüística, onde tamén se recollerá a consideración da Universidade de León como centro examinador do Celga, aínda que será persoal da Xunta, institución que expide as acreditacións, quen avalíe as probas.
O acordo, segundo informan dende a secretaría xeral, dálle continuidade ao programa de lingua e cultura galegas xa existente en centros de educación primaria e secundaria do Bierzo, grazas ao protocolo de colaboración existente entre Política Lingüística e a consellaría de Educación de Castela e León.
A Secretaría Xeral de Política Lingüística conta na actualidade cunha rede propia de lectorados de lingua e cultura galega en universidades de todo o mundo e coa colaboración do Instituto Cervantes, ademais de diversos acordos bilaterais con outros organismos e institucións académicas.
Comentarios (2)
A Universidade de León e o goberno C-L teñen que protexer o galego e os galegofalantes do Berzo, Seabra, Cabreira e resto dos territorios galegófonos, na escola e no liceo, o mesmo que aquí (teñen recoñecido o dereito no estatuto castelán). E ademáis facilitarlles a recepción das tv. portuguesa e galegas.
Tamén facilitar cursos de aprendizaxe do galego para adultos.
En democracia sería unha obriga, se houbera aquela, en bananeira hispánica, unha coña como sempre é.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto