Edición xeral
Fidel Castro 'reflexiona' sobre o proceso electoral cubano
O diario 'Granma' publica un novo editorial do presidente do goberno de Cuba, onde compara os comicios no seu país cós dos Estados Unidos.
Máis de oito millóns de cubanos están chamados ás urnas este domingo
"As nosas eleccións son a antítese das que teñen lugar en Estados Unidos". Deste xeito inicia o presidente do goberno de Cuba, Fidel Castro, unha nova Reflexión das que vén publicando no diario Granma dende que iniciara o seu período de convalecencia dunha grave enfermidade.
"Alí o primeiro é ser moi rico, ou contar co apoio de moito diñeiro. (...) Aínda que hai honrosas excepcións, ninguén pode aspirar a ningún cargo importante se non dispón de millóns de dólares", afirma Castro. "Ás urnas acoden cada vez menos cidadáns, xa que moitos prefiren traballar ou dedicar o tempo a outra cousa. Hai fraudes, trucos, discriminación étnica e até violencia", continúa.
En referencia aos comicios en Cuba, Fidel Castro afirma que "o feito de que vote máis do 90% dos cidadáns, e os escolares custodien as urnas é algo inusitado, non pode ser crido se se trata dun 'escuro recuncho do mundo', agredido e bloqueado, que se chama Cuba". "Así exercitamos os músculos vigorosos da nosa conciencia", conclúe.
Máis de oito millóns de cubanos están chamados ás urnas este domingo, para elixir os seus representantes na Asemblea do Poder Popular do seu municipio de residencia. Serán estes os encargados de determinar a composición da Asemblea Nacional, que a súa vez escolle ao xefe do Estado.
Ligazóns
Comentarios (11)
Alguén pode explicar como son esas eleccións cubanas??
Que opcións teñen os cidadáns para elixir?
Quen se presenta??
Cuba ten un sistema parlamentario totalmente distinto ao do resto de Occidente. Os deputados á Asemblea Nacional están ligados por mandato imperativo e revocable. Non hay pluripartidismo pois o partido comunista cubano é un dos poderes orgánicos do Estado, pero non é unha organización electoral e non se pode presentar ás eleccións. Os cubanos afirman que o seu sistema electoral é deudo das teorías de Hans Kelsen. Aquí tes unha ligazón a unha web cubana que explica o seu punto de vista: http://www.cubasocialista.com/...
Se che interesa abondar no tema, hai un libro de Ricardo Alarcón que explica o "parlamentarismo obreiro" de Cuba. Que eu saiba, só se pode conseguir a través dunha editorial do País Basco que vende por correo: http://www.hiru-ed.com/COLECCI...
Para unha ollada crítica, sen ter que ir máis lonxe, tes a Wikipedia , que copia algúns contidos da web cubana que liguei máis arriba, pero tamén recolle durísimas acusacións contra o sistema parlamentar cubano:
http://es.wikipedia.org/wiki/P...
Eleccións en Cuba? Cales eleccións?
Dicir que en Cuba existen procesos electorais é un cinismo. Se partimos do feito que en Cuba só é legal o PARTIDO COMUNISTA e todos os procesos electorais circunscríbense a un só partido. Isto é democrático?
Porque razón un partido político pode decidir de forma unilateral que outras formas de ver o espectro político é un delito. Que diferenza existe entre a segregación e persecución do partido comunista de España por parte do Franquismo e o que hoxe se fai en Cuba con outras tendencias políticas ás que se lles nega dereitos electorais.
Certamente cando Fidel compara o sistema electoral cubano co norteamericano esquéceselle que ten unha similitude. Algo así como cando Henry Ford vendía os seus modelos T. “vostede pode compralo de calquera cor, con tal que sexa negro”. En cuba “vostede pode votar por calquera candidato sempre que sexa do partido comunista”.
Con respecto ás porcentaxes de máis 90% de participación. Isto ten unha explicación técnica. RACIONAMENTO, todas as listaxes electorais crúzanse coas listaxes de distribución de alimentos, traballadores do estado, centros educativos, etc. (En cuba a principal fonte de emprego é o estado)). Polo tanto. O que non vote é considerado case como un contrarrevolucionario e pon en perigo o seu emprego, o estudo dos seus fillos e os bens suxeitos a racionamento.
De tal xeito que é difícil crer que existan verdadeiras eleccións plurais senón poden participar todas as formas de pensamento político.
Menos hipocrisia, companheiros/as. No meu concelho, e nos da redonda, se te levas mal co alcalde esquece-te de presentar-te às eleiçons, de exercer a tua liberdade teórica. Cacicadas, puteos de por vida, ameaças, presons indecentes, marcagem social. E isso ainda que sejas de partidos que aceitam o sistema. Imagina-te o que fariam se se apresentasem por partidos que o cuestionam!!!
Este sistema é umha fraude em toda regra.
Viva o poder popular, viva Cuba e a sua revoluçom. Viva, de passo, a revoluçom bolivariana e todo o que se move em Latinoamérica.
Viva em nós o Che Guevara, por sempre!!!
PS: No meu concelho rural o alcalde é do PSOE, com maioria absoluta. Que vergonha!!!!!!
14 de Outubro (hai umha semana). Hugo Chávez em Cuba, programa Aló Presidente desde Santa Clara. 3 horas de programa televisivo com contido, com ideias, com espírito revolucionário. A cousa mais bonita e máis esperançadora que tenho visto nos últimos anos pola caixa tonta. Nada a ver com os programas de pacotilha aos que o nefasto capitalismo nos tem acostumados neste recanto adormecido da humanidade. Procurade-o em http://www.cubainformacion.tv/
COUTOVEN, o "partido comunista cubano", insisto, non é unha organización electoral senón un órgano do Estado cubano. O noso sistema parlamentar español baséase nas listas pechadas feitas polas cúpulas dos partidos políticos. O noso pluripartidismo é máis teórico que factual, pois precísanse inxentes recursos económicos para presentar candidaturas en todas as circunscripcións. No noso sistema, só co apoio de Bancos, Caixas e de grupos económicos se pode facer un partido a nivel autonómico ou estatal. A prohibición do mandato imperativo dos electores sobre os Deputados ven a significar que os Deputados obedecen ás cúpulas dos partidos e non aos electores.
O sistema parlamentar cubano, xa que logo, é "xacobino" dado que trata de eliminar ao mínimo as instancias intermedias entre o cidadán común e o deputado que o representa. A acta de Deputado no sistema cubano pertence aos eleitores da circunscripción e non ao deputado, que pode ser revocado por aqueles.
Non coñezo Cuba e considero con moito recelo todas as informacións sobre o que alí acontece, tanto as apoloxéticas cuanto as difamatorias. Penso que é innegábel que existe unha realidade autoritaria en Cuba que distorsiona ese modelo que, teoricamente, podería ser considerado máis democrático que a oligarquía partitocrática apoiada polos grandes grupos económicos que temos no resto de Occidente. Tamén entendo que Cuba é, de facto, un país en guerra, asediado polos EUA e que, nesas condicións, é imposible que se desenvolva un proceso democrático libre sen que o propio Estado cubano tome medidas coactivas para avortar os intentos estado-unidentes de influír nese proceso por medio do apoio económico a grupos de cubanos opositores.
Mentres os EUA non repecten a soberanía de Cuba, non poderá desenvolverse un proceso democrático normal, nin sequera coas peculiaridades teóricas do partalentarismo cubano. Se Franza ou Gran-Bretaña tentasen influír nos procesos electorais de España e dispuxesen de grupos de españois que se prestasen a colaborar con potencias estranxeiras a cambio de diñeiro e outros beneficios, de seguro que as eleccions españolas tampouco se desenvolverían en condicións normais.
Talvez o sistema parlamentar cubano sexa máis democrático que o noso na teoría. Na práctica hai outros condicionantes. Certo grado de benestar económico facilita un maior grado de liberdade individual, isto é innegável, e Cuba non ten ese grado de benestar que temos en Europa. Cuba xestiona miseria, Europa xestiona riqueza (mal repartida). Se algún día en Europa o 60% dos cidadáns non podese comer carne un día a semana, acabaríase o réxime de amplas libertades individuais e gañaría peso o elemento autoritario que hai en todo Estado.
Por iso, primeiro hai que criticar a política dos EUA con respecto a Cuba e tamén, pero en segundo lugar, criticar os elementos autoritarios do sistema cubano, con realismo e sen demagoxia, porque certo grado de autoritarismo é consustancial a natureza dos Estados. Non hai Estado sen poder coactivo, por democrático que sexa na teoría.
Algunhas cuestións.
Cuba non ten ese grado de benestar que temos en €uropa: quénes temos ése? E qué clases sociais teñen ése? Qué €uropa teñen ése?
Considera realidade autoritaria a que sofremos os occidentais na €uropa do ouro €?
A maioría social cubana non ten dereito a defenderse de unha minoría minoritarísima que pula polo imperialismo (directo autor obviamente das guerras do mundo e do bloqueio) e ó seo xornal (vía bibliotecas privadas personais, etc.?
Saúdos IACOBVS tes moita razón cando aclaras que o PARTIDO COMUNISTA DE CUBA non é un organismo electoral e creo que en ningures o afirmase. O que se digo é que é o único partido legal na illa e calquera outra forma de expresión política é penada por lei. En poucas palabras son as dúas caras dunha moeda chamada intolerancia e cultura antidemocrática.
Como na España franquista foron prohibidos todos os partidos e de forma moi especial os progresistas. En cuba non se admite outro pensamento político.
É bo que se saiba é que é practicamente unha obrigación pertencer ao partido comunista se es funcionario en Cuba ao igual como no Franquismo tinhas que estar identificado “polo menos en aparencia” co movemento.
Eu penso que a estas alturas xustificar certas prácticas antidemocráticas na illa invocando o bloqueo non se axusta á realidade. Certamente Estados Unidos impón limitacións ao comercio con Cuba e á viaxe de persoas a este país desde USA. Pero se vostede dubídao o resto dos países non teñen limitación algunha para viaxar ou comercial coa illa. Os paradores turísticos están repletos de turistas Canadenses, italianos e españois. Actualmente Venezuela entrégalle petróleo e derivados con períodos de graza, asumindo ata os custos do transporte. E de paso Cuba ten o privilexio de comercial estes produtos con terceiros. Eu pregúntome ata que punto o bloqueo é un pretexto para xustificar prácticas antidemocráticas?
Comparto con vostede que o poder económico sexa determinante á hora das eleccións e conformação de listas, pero o poder político xera tamén o mesmo. Isto non xustifica a persecución política contra pensamentos distintos ao goberno cubano.
Eu dareille un exemplo de tolerancia política transformada en persecución e de forma especial ao señor C 29 cando fala do Alo Presidente que realizo Chávez a semana pasada. Bo, este señor logo de fracasar nun sanguento golpe de estado o 4 de febreiro de 1.992. Irresponsablemente foille sobreseído o proceso xudicial e os imperfectos pero máis xustos e imparciais organismos electorais permitíronlle presentarse a unha elección onde gaño grazas ao apoio de moitas organizacións hoxe perseguidas e dun pobo canso polos malos gobernos que decidiu agarrarse a ese cravo quente. A partir dese momento o único que realizou é utilizar a riqueza petroleira para comprar conciencias e crearse un sistema electoral e xudicial á súa medida. Negándolle aos seus opoñentes políticos os mesmos privilexios que o gozo a pesar do seu pasado sanguento e xenocida.
Este señor que se pasa ata 8 horas nos seus programas Alo Presidente e horas en cadeas obrigatorias en todas as canles á semana, a pesar que o goberno conta con 5 canles de television nacionais e toda unha rede radiofónica onde pretende impor unha “REFORMA CONSTITUCIONAL” onde pretende deslexitimar que calquera partido político que non forme parte de de o PSUV.
É tan sectaria a súa conduta que nin o Partido Comunista de Venezuela nin outras formacións de esquerda aceptan suicidarse para compracer a este pichón de ditador. É máis, o imparcial organismo electoral venezolano facilito os seus recursos materiais e humanos para o proceso de inscrição nacional do PSUV. En poucas palabras, mentres en todo o mundo democrático os partidos políticos teñen que presentar as firmas dos seus electores ante o ente electoral. En Venezuela o ente electoral encárgase de lexitimar a un partido.
Vostede cre que é xusto e democrático que o goberno Venezolano pretenda modificar preto de 60 artigos da constitución e ao pobo non se lle permita escoller que artigos aceptar e cales rexeitar.
En poucas palabras votas a favor por todos ou rexeitas todos (que mellor exemplo de alternativa) É como en Cuba, ti podes votar polo partido Comunista. Senón votas, estas en contra do partido e o teu CDR saberá como recordarcho.
Un exemplo que critican ata os partidos que apoiaron a Chávez é que na “modificación constitucional proposta” exponse que o presidente pode ser reelixido nun número ilimitado de períodos. O antidemocrático é que o resto dos funcionarios de libre elección e remoción só poden ser reelixidos un número limitado de veces. Isto é democrático? Isto é igualitario? Sabe vostede o que Chávez di respecto diso. “permitir a reelección de gobernadores e alcaldes pode favorecer a creación de reyezuelos e caudillos” Entón a reelección presidencial indefinida que produce?
Outra proposta expón modificar o criterio que sinala: O poder reside no pobo e exérceo por medio do voto. Pero resulta que na nova constitución, o poder segue residindo no pobo pero xa non exerce dito poder grazas ao voto senón por medio dos concellos comunais. O problema é que estes consellos comunais non os elixe o pobo senón o poder executivo.
De tal xeito que non se pode falar de democracia e libre exercicio da vontade do pobo cando non se permite que todas as formas de pensamento exprésense.
Yo os lo explico. Se presenta uno y hay que votarle obligatoriamente.
¡¡¡PERO POR FAVOR!!! ALGUNOS OS PASÁIS EL DÍA CONDENANDO LAS DICTADURAS DE DERECHAS, QUE SON ABSOLUTAMENTE CONDENABLES, EMPEZANDO POR EL FRANQUISMO, Y LUEGO REVESTÍS DE DEMOCRACIA LO QUE NO ES MÁS QUE UNA VULGAR Y ASQUEROSA DICTADURA.
En Cuba no hay libertad, hay represaliados políticos, y encima, hay una pobreza obligatoria para los cubanos que no formen parte del régimen.
Los cubanos no pueden disfrutar de ciertos privilegios (alojamiento en hoteles, etc.) de los que sí pueden disfrutar tanto los hombres del régimen como los turistas. Y eso no se debe a ningún bloqueo ni a embargo alguno, más allá del impuesto por los miserables asesinos que dirigen eso que algunos llamáis revolución y que no es más que un régimen dictatorial y bananero cuyo desaparición tenemos que lograr SEA COMO SEA.
Hai un erro. O que compara Fidel é os cómicos do seu país cos de USA. Os seus fanlle moita graza. Os de USA ningunha.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto