Edición xeral
O director da CRTVG nega que haxa vetos no ente público
Benigno Sánchez advertiu que non acepta "inxerencias" de ningún membro da Xunta, ao tempo que falou da perda de ingresos da TVG e o aumento dos da Radio Galega.
O director xeral da CRTVG, Benigno Sánchez, asegurou na tarde da terza feira, durante a Comisión da Compañía, que dende outubro de 2005 "vetar non é un verbo que se conxugue nos medios públicos de comunicación" de Galiza e engadiu que "non é asumíbel" que un membro do Goberno Galego tente condicionar as informacións que emiten a TVG ou a Radio Galega.
"Non recibo ordes de ninguén", dixo Sánchez despois de que o deputado popular Diego Calvo lle preguntase se tiña recibido ordes para censurar unha información sobre o vicepresidente da Xunta, "como bo lacaio que din que é", dixo Calvo.
As chamadas de Losada
Para exemplificar a "inadmisíbel inxerencia" dos cargos públicos na compañía que dirixe, Sánchez quíxose referir ás chamadas feitas o 27 de agosto polo ex secretario xeral de Vicepresidencia, Antón Losada a varios profesionais da TVG. O director da CRTVG asegurou terlle enviado unha carta a Quintana ao saber das chamadas, como "superior xerárquico da persoa que chamaba de forma inconveniente aos profesionais da TVG".
Finalmente Sánchez asegurou "descoñecer a existencia dun veto" á TVG por parte da Vicepresidencia da Xunta, despois de os populares denunciasen que o departamento que dirixe Anxo Quintana non convocaba aos seus actos aos xornalistas da televisión pública autonómica.
O PPdeG prognostica a dimisión de Benigno Sánchez
Calvo terminou a súa comparecencia na comisión lamentando as "ameazas entrecruzadas, escoitas, filtracións e dimisións" na relación entre Vicepresidencia e a TVG e considerou que Benigno Sánchez esta "incapacitado" para o seu cargo. Así que dixo que non ía reclamar a súa dimisión, xa que, segundo dixo, non vai "chegar ao final de lexislatura".
Os ingresos da TVG reducíronse un 5,9%
Na mesma comisión falouse da baixada dos ingresos por publicidade da TVG (un 5.9% menos) nos primeiros meses de 2007, debidos, sobre todo, a non emitir fútbol de 1ª División. Mentres, a Radio Galega acrecentou os seus ingresos un 36% respecto do 2006.
Pola contra, a TVG foi a única TV autonómica que gañou cota de pantalla neste período, segundo Sánchez.
Comentarios (10)
Benigno para a casiña, por favor...
o que non se entende é que non fagan todas as canles que permita a lei. Eu estou farto de que poñer a tele supoña unha inmersión lingüística no español
Había que prohibir por lei que funcionasen aquelas "canles" que non transmitisen o 60% en galego, para sermos xustos coa problemática do País. Todo o que non pase por iso vai en contra dos interes da lingua galega
Claro, claro...no hay vetos, y telegaita es más plural e independiente que nunca.
Se pensarán estos tíos que nos chupamos el dedo.
TVG = MANIPULACIÓN
Agora podo acender a tv e pór a Galega.
Có PP era coma botarlle unha ollada o DOG.
Dentro do mellorabel, pasamos do podre ó normal
No me extraña que a un nacionalista que sólo lee, escucha y ve lo que quiere leer, escuchar y ver, ahora pueda poner la gallega y le guste.
Eso habla mucho de la "pluralidad" de la izquierda. Pluralidad es sacar sólo las ideas propias.
Pues menuda mierda de pluralidad es esa.
TVG = MANIPULACIÓN
O que é inquestionável é que a qualidade e pluralidade da Rádio Galega melhorou enormemente com o Governo bipartido, especialmente no seu departamento de Programas. O que ignoro é porque não sucede o mesmo na TVG, onde mesmo se incorparam géneros do chamado tele-lixo (tertúlia rosa, reality-show...).
"Benigno Sánchez quedas vetado por non aceptar inxerencias de ningún membro da Xunta. Onde che cres que estás. Na Sexta?"
(Pepiño Blanco)
Se non recibes ordes recibes cheques. Pero a Xunta non paga que non hai diñeiro. Así que se non recibes ordes, xa as recibirás.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto