Edición xeral
O BNG propón importar o modelo catalán de deputacións
O vicepresidente da Deputación de Lugo, o nacionalista Antón Bao, afirmouno así logo da visita do presidente da mesma, o socialista José Manuel Gómez Besteiro, a Barcelona.
A Deputación barcelonesa, segundo o presidente da luguesa, é "un referente no panorama das administracións provinciais de España".O vicepresidente Antón Bao una considera que o modelo catalán sería extrapolábel ao noso, no camiño dunha "nova estrutura territorial galega en que as comarcas sexan o eixo vertebrador".
A liña catalá diríxese á conversión das catro deputacións en sete veguerías, un concepto moi achegado ao noso das comarcas, segundo Bao. O nacionalista afirmou tamén que os obxectivos deben encamiñarse a concederlles o máximo protagonismo aos concellos, e que as deputacións se ateñan ao ámbito competencial mínimo, sen exerceren “competencias xa atribuídas ao goberno galego”. A este respecto, salientou tamén a necesidade dunha lei que coordine o goberno das deputacións co do goberno autonómico.
Comentarios (4)
Tes razón
"De putadas", xa aguantamos bastantes.
Os cataláns teñen modelos moi feudalistas.
Para cando a reordenación territorial galega?
xa vai sendo hora de eliminar as anacrónicas, caciquís e custosísimas deputacións?
É tempo de reagrupar concellos naquelas comarcas alí onde o decidan os seus cidadáns (por exemplo, onde eu vivo, estou a prol do "Concello da Louriña" formado polos actuais concellos de Mos e O Porriño).
Trescentos e pico concellos para un país da extensión do noso me parece, cando menos, desproporcionado.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto