Edición xeral
Detidos na India activistas da "Campaña Roupa Limpa"
Denunciaban os abusos laborais de empresas internacionais que fabrican prendas na zona.
"Están usando os xulgados para tratar de calar os colectivos que na India e Holanda están denunciando as graves violacións dos dereitos dos traballadores en fábricas que producen prendas para empresas como Armani, G-Star, Rare, Guess, Gap e Mexx". A queixa está recollida na web da propia plataforma Campaña Roupa Limpa.
Trátase dunha campaña internacional despregada co obxectivo de facer presión para a mellora das condicións de traballo na industria téxtil. Activistas holandeses vencellados á campaña realizaran nos últimos tempos as súas denuncias a pé de varias factorías da India, acusadas de prácticas abusivas sobre os traballadores.
Un xulgado de Bangalore iniciou accións contra os activistas, apoiando as denuncias das empresas e sostendo ademais que a Campaña Roupa Limpa tería o obxectivo "indirecto" de danar a imaxe do país. Paradoxalmente, mesmo o goberno indio lle enviou unha comunicación ao respecto ao comisario europeo de Comercio Exterior, Peter Mandelson, e ao ministro holandés de Exteriores, queixándose dos problemas presuntamente causados por estes colectivos á actividade comercial na India das multinacionais téxtiles.
Comentarios (1)
Esta é unha verdade crúa e dura na India. Pero só na India? E onde quedan outros paraísos da explotación por exemplo a China. Onde as mesmas empresas e os mesmos patróns explotan aos homes do xeito máis miserable e inhumana.
A explotación do home xa sexa por particulares ou o estado, é un delito. Moito máis no caso de nacións que proclaman a “ditadura do proletariado” como a súa razón de ser e existir. Onde o certo é que pasamos de explotadores capitalistas a explotadores gobernamentais. Iso si, sempre en nome do socialismo e de calquera causa nobre, a cuxo acubillo non faltan políticos inescrupulosos que xogan cos pobos e manipulan as súas conciencias con migallas e son aplaudidos por intelectuais, xornalistas e políticos nacionais e estranxeiros que non lles importa para nada a desgraza dos pobos xa que as súas conciencias están nubradas polo diñeiro do tirano de quenda.
O socialismo verdadeiro é aquel que pon os intereses da comunidade por encima dos particulares.
Dubiden do que di ser socialista e sempre quere estar en primeira plana.
Dubiden do socialista que non cre nin practica a alternancia política.
E dubiden máis do dirixente que afirma ser socialista cando pretende que o seu nome sexa venerado e que ante a discrepancia só responde con descualificacións.
Estes non son socialistas, son seres mezquinos que condenan aos seus pobos á miseria.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto