Vieiros

Estoupido dos prezos. En outubro, segundo datos provisionais do INE, o IPC elevouse ata o 3,6%, o que sería o nivel máis alto dos últimos 14 meses. Trátase do nivel de prezos máis alto dende agosto do 2006.

A tensión inflacionista do Estado español aceléranse na recta final do ano. O encarecemento dos produtos básicos (leite, pan, cereais…) así como o repunte do prezo da enerxía desencadeou un espectacular suba da inflación no estado, segundo o indicador adiantado IPCA que harmoniza o indicador co resto da zona euro.

A inflación anual estimada do IPCA en outubro do 2007 é do 3,6% fonte ao 2,7% da taxa interanual rexistrada en setembro. Trátase da maior subida mensual deste índice de toda a súa historia.

Este dato pon en xaque a competitividade das empresas do estado español coas do exterior, dato preocupante especialmente atopándonos nun escenario como o actual no que se está a producir unha forte moderación da demanda doméstica.


O IPCA adiantado

Segundo o propio INE, este indicador é elaborado co obxectivo de incorporalo ao cálculo do índice adiantado do IPCA da Unión Monetaria Europea (UME) que publica o Eurostat. A obtención de este indicador avance da UME forma parte da política do Eurostat e do Banco Central Europeo de ofrecer datos equiparables en tempo e calidade cos producidos polos USA.
Este indicador adiantado proporciona únicamente unha información orientativa e, polo tanto, non ten por que coincidir co dato do IPCA. Con respecto a isto pódese dicir que “case” sempre acerta, xa que o proceso de elaboración é o mesmo pero cunha base de datos estatísticos menor.
Os datos definitivos daranse a coñecer o próximo 14 de novembro.