Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
XOVES 8 DE NOVEMBRO, 14.30 H, CAMPUS UAB-BELLATERRA

Concerto de The Homens en Barcelona

Actuación do grupo galego de power-pop "The Homens" no marco da Festa Major da UAB, onde presentarán o seu novo disco "Tres".

Lectorado de Galego da UAB - 08:00 06/11/2007

Armados de guitarras ruidosas mais tamén de sensibilidade melódica, a banda formada por Xocas (batería), Roi (baixo e voz) e Martin Wu (guitarra e voz) traerán a Barcelona un dos directos máis potentes do panorama musical galego para presentar TRES, o seu novo e agardado traballo.

Gravado nos Estudios Ultramarinos Costa Brava, en Sant Feliu de Guíxols, por Santi García e Víctor García, o álbum editado por Falcatruada en vinilo, CD de audio e mp3, saíu ao mercado o pasado 15 de outubro e pódese descargar baixo licenza Creative Commons da páxina web do grupo The Homens.

Do extremismo melódico ao ruído espeso, do punk desatado aos arranxos delicados, o disco contén once novas liscas de pop enerxético, guitarras ruxidoras e retrousos cantables que se suman a temas xa míticos do pop galego como "Sandra Dee" ou "Non podo máis". Cargados de versos ácedos e coros pegadizos, The Homens son power pop en estado puro: melodías, actitude e ganas de festa.

O concerto, organizado polo Lectorado de Galego da UAB, inscríbese na celebración da Festa Major da Universitat Autònoma de Barcelona.

Concerto de The Homens

Festa Major da Universitat Autònoma de Barcelona

Xoves 8 de novembro de 2007 ás 14:30
Plaça Cívica
Campus UAB, Bellaterra
(Cerdanyola del Vallès)

Organizan: Lectorado de Galego da UAB, Cultura en Viu

Colaboran: Secretaría Xeral de Política Lingüística, Xunta de Galicia || Rede.cat


Ligazóns

4.5/5 (4 votos)

Novas relacionadas


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



The Homens
The Homens