Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
O taekwondo galego demostra a súa boa forma alén fronteiras

"Co taekwondo estamos no mundo, en galego estamos no mundo!"

Este é o lema da federación galega de Taekwondo, que esta fin semana viu como catro dos seus deportistas conseguían medalla en distintos eventos internacionais. O nivel está asegurado para os Xogos Olímpicos.

Redacción - 18:16 06/11/2007

Manuel Barros Couso, deportista do clube Mace Sport de Pontevedra, conseguiu a medalla de bronce no Campionato de Europa Júnior celebrado en Bakú (Acerbaixán), superando aos representantes de Moldavia, Bielorrusia e Rusia, e caendo só fronte ao representante francés, que é campión do Mundo da categoría.

O deportista, de 17 anos, tiña experiencia internacional, xa que participou no Campionato do Mundo Júnior en 2006 (Ho chi Min City) chegando até os oitavos de final na categoría de -55 Kg.

A categoría actual de peso de Manuel é de -63 Kg, adaptación que se fixo para respectar o desenvolvemento físico do deportista tras a valoración realizada polo departamento médico do CGTD.

Estefanía Fernández, a outra baza galega en -57 quilos
Estefanía Hernández, deportista coruñesa de 22 anos que compite con licenza do clube Natural Sport de Ribeira gañou esta semana a medalla de ouro no Open de México de Ídolos Mundiais. No evento participaban as seleccións de pesos olímpicos máis fortes do mundo e este ano tivo un nivel altísimo.

Estefanía, que compite na categoría de -57 Kg, tivo que superar ás representantes de Israel, Brasil, México e á Subcampioa Olímpica Iridia Salazar. Esta oportunidade de demostrar a súa valía, tras pasar dúas tempadas con graves problemas físicos, dálle a Fani a posibilidade de entrar no equipo olímpico español. Así, a súa categoría fica monopolizada por dúas representantes galegas: a propia Estefanía Hernández e Andrea Rica. As dúas terán que dalo todo en en xaneiro en Istambul para conseguir clasificarse para os XXOO.

Exhibición por parellas, con Samuel Meilán e Nerea Alamancos
Samuel Meilán Fernández e Nerea Alamancos (22 anos) son os outros dous taekwondistas que volveran con medalla dun campionato internacional, Os dous militan no clube Tao de Vigo e fan parte do equipo galego de exhibición.

Esta fin de semana conseguiron (participando coa selección española), o terceiro posto no Campionato do Mundo de Técnica celebrado na localidade de Incheon (Corea do Sur).


Ligazóns

5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: