A campaña, posta en marcha por unha compañía de telefonía, pretende demostrar que se pode vivir unha semana comunicándose só con internet móbil.
Serxio Pazos, no seu encerro voluntario
O actor ourensán Serxio Pazos meteuse este martes nun remolque transparente dun camión para demostrar que se pode vivir unha semana comunicándose só a través da internet por medio dun teléfono móbil. Todo o que lle aconteza pódese seguir en directo nunha páxina web, dende onde tamén se lle poden enviar mensaxes.
Pazos enfróntase a un difícil reto, pois non pode empregar o teléfono para facer chamadas nin para enviar mensaxes, e, dende o principio, o seu habitáculo está baleiro. Así que terá que conseguir todo o necesario para sobrevivir a través da rede. Para facer trocos dispón de cinco teléfonos móbiles de última xeración e un libro da escritora luguesa Marta Rivera de la Cruz.
Con este peculiar reality show en vivo, a compañía telefónica Vodafone pretende promocionar o seu servizo de conexión á internet. Pero a iniciativa tamén ten un lado solidario, pois recadaranse fondos para a Fundación ANAR de axuda a nenos e adolescentes en risco.
A viaxe comezou en Madrid, co gallo da feira da informática SIMO, e traerao a Galiza o xoves e o venres. O día 8 o autobús estará aparcado na praza do Obelisco, na Coruña, e o 9 no campus universitario da mesma cidade.
sobrevivirá
http://www.turgalicia...
Xa non hai nin praza. Hai unha beirarrúa moi grande, pero supoño que aparcará en Rua Nova.
Polo que se ve, sen pan nin auga pódese vivir, sen móbil non.
Para vivir ben.