Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Continúa este xoves

Un incendio na Peneda-Gerês mobiliza un cento de bombeiros

O lume que comezou a arder este mércores á noite no parque nacional do país veciño permanece incontrolado.

Redacción - 11:23 15/11/2007

O incendio declarado este mércores á noite no Parque Nacional da Peneda-Gerês, en Cabril, continúa a estar fóra de control na mañá deste xoves segundo informacións da Autoridade Nacional de Protecção Civil que recolle o diario Público.

O lume, que comezou a arder contras as 22.00 horas no concello de Ponte da Barca, distrito de Viana do Castelo, está a ser combatido por 90 bombeiros e 23 vehículos, namentres as lapas consumen unha área de mato.

Protecção Civil fixo publico un comunicado onde achaca os incendios de outubro e novembro á "necesidade de proceder á queima de sobrantes agrícolas e ás queimas para a pastaxe dos animais".

A situación, afirman, viuse agravada polo baixo nivel de humidade, polas temperaturas por riba da da media para esta época e polo fortes ventos.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: