Vieiros

No resto do Estado só o Mare Nostrum, situado no Barcelona Supercomputing Centre, no posto 13º, e o CeSViMa, Centro de Supercomputación e Visualización de Madrid, que se sitúa no número 89 do mundo, aparecen entre os cen primeiros á beira do centro galego. O CESGA sobe ao ránking grazas á incorporación do novo supercomputador Finis Terrae, que lle outorga unha velocidade de computación superior a 20 billóns de operacións matemáticas por segundo (20 TFLOPS). Alén de ser o terceiro a nivel estatal, o CESGA aparece agora como o 29º de Europa.

A lista TOP500, elaborada por expertos das Universidades de Mannheim (Alemaña), Tennessee (EUA) e do Lawrence Berkeley National Laboratory (EUA)., publícase desde 1993 e é actualizada cada seis meses. Esta comparativa elabórase en base a un único parámetro: a "velocidade de procesado", e é o único ranking en supercomputación existente e amplamente utilizado pola comunidade científica e os fabricantes. O CESGA aparecera até en oito ocasións anteriores no Top 500, pero nunca tan arriba como desta volta.