Edición xeral
O Concello de Teo ultima a homenaxe a Avelino Pousa Antelo
O histórico galeguista será nomeado Fillo Adoptivo o vindeiro día 24 de novembro.
En Teo xa está todo preparado para renderlle un tributo ao histórico galeguista Avelino Pousa Antelo. O vindeiro sábado 24 de novembro, a partir das 17 horas no Pazo de Adrán, a corporación municipal entregaralle a Pousa Antelo o título de Fillo Adoptivo.
O acto contará coa presenza do presidente do Consello da Cultura Galega, Ramón Villares, que se encargará de relatar a traxectoria do homenaxeado. Na homenaxe tamén haberá tempo para a música, que virá da man de Mini e Mero e das pandeireteiras da Asociación Cultural Rosalía de Castro de Cacheiras. Finalmente, o alcalde do municipio, o nacionalista Martiño Noriega, será o encargado de clausurar a xornada”.
A pesar de nacer na Barcala, Pousa Antelo está moi ligado ao municipio de Teo, onde reside dende 1990. O presidente da Fundación Castelao, que xa conta con 93 anos de idade, segue a manter unha intensa actividade social en Teo.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto