Vieiros

Vieiros de meu Perfil


Máis Alá

Xestionado por Vieiros
RSS de Máis Alá
A REVISTA RETRANCA PRESÉNTASE EN COMPOSTELA

Un país de risa

O primeiro número da revista Retranca, dirixida por Kiko da Silva, preséntase na libraría Couceiro de Compostela o mércores 21 ás oito da tarde

Redacción - 11:08 21/11/2007

A consigna é non facer prisioneiros, rir de todo, de nós mesmos, de Galiza. A revista Retranca está na rúa dende comezos de novembro cun informe retranqueiro sobre feísmo urbanístico. Ademais, outras sorpresas, como unha foto do Rei "para espertar as túas paixóns máis ardentes" e un poster central e caricatura da conselleira de Vivenda, Teresa Táboas.

Oito mil exemplares de tirada e ducias de colaboradores, entre os que destacan no primeiro número Manuel Rivas, Miguelanxo Prado, Xaquín Marín, Pinto e Chinto, Kohell, Leandro, Luís Davila, Andrés Meixide, Alberto Guitián, Jacobo Fernández ou os colectivos Pestinho+1 e Reizentolo. Todo a un prexo de 2,20 euros. O segundo número xa está no prelo e chegará aos quioscos a primeira semana de decembro.

O mércores 21, a partir das oito da tarde, a retranca chega a Compostela, cunha presentación na libraría Couceiro, realizada por Kiko da Silva, director da revista.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Portada do primeiro número da revista
Portada do primeiro número da revista
'O compañeiro negro', símbolo da revista
'O compañeiro negro', símbolo da revista