Vieiros

Vieiros de meu Perfil


Edición xeral

RSS de Edición xeral
FEDERACIÓN GALEGA DE MUNICIPIOS

O alcalde de Ames, o socialista Carlos Fernández, será o novo presidente da Fegamp

Na elección escenificáronse as diverxencias entre o PSdeG e o BNG, que ocupará a vicepresidencia segunda.

Redacción - 20:10 22/11/2007

Socialistas e nacionalistas non chegaron finalmente a un acordo para presentar unha lista única. O PSdeG non aceptou a posibilidade dunha presidencia compartida, tal e como reclamaba o BNG. Así, o rexedor de Ames, Carlos Fernández, presidirá a Fegamp; o alcalde de Ponte Caldelas, Perfecto Rodríguez (PPdeG), ocupará a vicepresidencia primeira; e o de Allariz, Francisco García (BNG), terá a segunda.

A nova Executiva da Fegamp queda composta polos alcaldes socialistas Carlos Fernández (Ames), Xosé Fraga (Piñor), Xosé Sánchez Bugallo (Santiago), Xosé Clemente López Orozco (Lugo), Francisco Rodríguez (Ourense), Xulio Sacristán (Culleredo), Xosé Luis Raposo (Pedrafita), Serafín Martínez (Fornelos de Montes) e María Xesús Escudero (Mos); polos populares Perfecto Rodríguez (Ponte Caldelas), Xulio Álvarez (Quiroga), Manuel Taboada (O Pino), Roxelio Martínez (Arnoia), Francisco Caínzos (Curtis) e Francisco Veiga (Riós); e polos nacionalistas Francisco García (Allariz) e Clara Millán (Cangas).

No Consello Federal estarán ademais os alcaldes socialistas de Paderne, Arteixo, Boimorto, Muxía, Fene, Burela, Chantada, A Pontenova, Portomarín, Parada de Sil, Vilardevós, Entrimo, Ribadavia, Cotobade, Silleda, A Estrada, Marín, Redondela, Ares e Catoira; os rexedores populares de Xove, Monterrei, Soutomaior, Oza dos Ríos, Pantón, Melón, Meaño, A Baña, O Corgo, Sandiás, Forcarei e Porto do Son; e os nacionalistas de Pontevedra, Melide, Monforte, Tomiño, Arzúa e Carballo.

Os alcaldes independentes, capitaneados polo de Oleiros, Anxo García Seonae, abandonaron a asemblea durante a votación ao sentirse “marxinados” do proceso.


2/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: