Edición xeral
Australia vira cara ao laborismo logo de once anos de gobernos conservadores
O Partido Laborista impúxose nos comicios parlamentarios e agárdanse cambios con respecto á guerra de Iraq e as políticas sobre o cambio climático.
Kevin Ruud, do Partido Laborista, será o vindeiro primeiro ministro australiano. A formación socialdemócrata impúxose este sábado ao Partido Liberal (de tendencia conservadora) que encabeza o até agora primeiro ministro John Howard. A vitoria racha cunha era de gobernos conservadores que comezaron en 1996.
Ruud prometeu na campaña que activaría políticas contra o cambio climático e que ía mudar a postura do país na guerra de Iraq. Cabe lembrar que Australia mantén tropas en terras iraquíes. Os laboristas móstranse contrarios á participación no conflito, mentres os conservadores eran partidarios de seguir en Iraq.
De feito, o conflito en Iraq monopolizou a campaña electoral. Este verán, o goberno do conservador Howard tivo que admitir diante da opinión pública que Australia entrou na guerra de Iraq polas súas reservas petroleiras. O ministro de Defensa, Brendan Nelson, sinalara que "a seguridade do combustíbel é moi importante para todos os países e, por suposto, para protexer e asegurar os intereses de Australia".
Pode ampliar información en The Daily Telegraph e no Herald Sun.
Comentarios (3)
Howard polo menos admite que entrou en Iraq polas reservas petroleiras, Aznar aínda continua dicindo que en Iraq hai armas de destrución masiva e detrás do 11-M está ETA.
Por certo, se hai xustiza neste mundo Howard debería ser xulgado e condenado a cadea perpetua (non sei si en Australia hai pena de morte), por asasino e ladrón. Ese petróleo non lle pertence e non lle dá dereito a matar para conseguilo.
Bush, Blair e Aznar tamén por suposto,
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto