Edición xeral
Os traballadores frean as obras do porto exterior en demanda de seguridade
Hai un ano a construción do porto exterior da Coruña xa estivera paralizada varias semanas ao detectarse que as adxudicatarias non se adaptaran ás normas de seguridade.
O Comité de Empresa decidiu que cando menos durante toda a xornada deste mércores non se traballe nas obras en Punta Langosteira. Ao longo do día haberá unha primeira reunión entre representantes da Autoridade Portuaria e a Unión Temporal de Empresas encargada das obras. Posteriormente, a dirección do porto terá unha xuntanza cos representantes sindicais.
O camión caixa abatíbel de rodas todo-terreo manexado por X.R.F.M caeu este martes por un noiro situado nun desmonte na zona sur da construción do porto exterior da Coruña, en Punta Langosteira. O traballador, de 43 anos de idade, faleceu pouco despois da chegada da ambulancia, non podendo facer nada os sanitarios para evitar o seu falecemento.
A función do vehículo consiste, precisamente, en desprazar pedras de grande tamaño dos desmontes cara á embarcación que realiza labores de colocación de material para a construción de diques. O talude onde se produciu o sinistro está sinalizado con filas de pedra e ten un largo de 25 metros. Segundo a Autoridade Portuaria, trátase dunha superficie de seguridade pola que poden caber tres camións das mesmas características.
O falecido estaba contratado pola empresa PEAL, subcontrata pola Unión Temporal de Empresas Langosteira, integrada á súa vez por Dragados, Drace, Copasa e Sato. Había mes e medio que traballaba en Punta Langosteira.
Ano e medio despois de que a Inspección de Traballo parase temporalmente as obras
En febreiro de 2006, a propia Autoridade Portuaria recoñecera as eivas na prevención dos sinistros laborais que arrastraban as obras dos novos peiraos, coincidindo co falecemento do terceiro traballador. Daquela, as obras permaneceran pechadas durante varias semanas, dando tempo a que o grupo de empresas adxudicatarias adaptasen os requirimentos mínimos de seguridade esixidos pola inspección de traballo. A polémica incluíra tamén o presunto ocultamento de datos sobre os accidentes, denunciado polos sindicatos.
Representantes dos traballadores reuníronse de urxencia na noite do martes e estaba previsto que se xuntasen tamén este mércores co presidente da Autoridade Portuaria, Macario Fernández-Alonso, co director xeral do porto, co director de obra, co de Infraestruturas da Autoridade Portuaria e co director da UTE.
Comentarios (4)
Coma sempre, agora todos sabían que non se cumplían as normas de seguridade, que xa había denuncias, etc., etc.
Falso coma sempre se houbese denuncias por falta de seguridade, se tería que poñer outra a Inspección de Traballo, por neglixencia por non cumprir o seu traballo.
O que pasa os sindicatos calan e fan tragar con todo aos traballadores, pois eles estan ben seguros nos seus despachiños reunidos mentres poñen o cazo, e cando hai algún morto asoman a patiña decindo que xa estaba denunciado, que xa o sabían que ía pasar, o mesmo conto de sempre. O malo e que seguen a morrer traballadores e ninguén fai nada.
E non ides comentar nada encol da irresponsabilidade e falla de profesionalidade de moitos dos traballadores, que coa súa maneira de actuar "suicida" non son os anxiños que a moitos vos parece?. ¿Ou pensades que algún dos mandos directos dos traballadores se vai xogar unha sentenza de cadea por adiantar traballo???.
"DELINCUENCIA PATRONAL", dicir iso é ser un falabarato e non ter nin p..idea de como s move o mundo laboral hoxe en día. Este problema non se soluciona falando barato senón formando ós traballadores no uso dos EPI´s e elementos de prevención, dotando de medios a Inspección de Traballo e corresponsabilizando nos accidentes ós Delegados de Prevención dos traballadores,...xa está ben de falabaratos, ostia!!
Hai moita presa porque queren facer pisos de luxo no porto da Coruña,a 10m do mar...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto