Vieiros

Na idea de que dende sempre as bandeiras foron símbolo e elemento visíbel das nacións, un estudo realizado polos psicólogos da Universidade Hebrea de Xerusalén afirma agora que a bandeira de cada país favorece o sentimento de unidade.

Os investigadores aproximáronse á cuestión mediante unha análise empírica e analítica, mediante unha serie de experimentos realizados en Israel nos que un grupo de suxeitos de diferentes tendencias políticas eran expostos a unha imaxe subliminal da bandeira do país. Posteriormente comparáronse as súas opinións sobre o conflito palestino e o sentido do voto nas eleccións xerais do pasado ano. Os resultados, que foron publicados na revista da Academia de Ciencia estadounidense, PNAS, conclúen que a bandeira tende a moderar as posturas "unificándoas en torno ao símbolo nacional que representa a unidade".