Vieiros

Vieiros de meu Perfil


Edición xeral

RSS de Edición xeral
No Plan estatal

Vivenda solicita trocos normativos para facilitar o acceso ás axudas públicas

As suxestións da consellaría tamén pretenden adaptar a normativa estatal á realidade do país.

Redacción - 19:40 28/11/2007
Campaña do rexistro único de demandantes de vivenda protexida

Campaña do rexistro único de demandantes de vivenda protexida

A Consellaría de Vivenda e Solo solicitou unha modificación do Plan de Vivenda 2005-2008 para axilizar o trámite de cualificación de vivenda protexida. O departamento propón máis facilidades para que acade tal distinción unha vivenda libre de nova construción que cumpra os requisitos de prezo e superficie. Deste xeito, o adquirinte poderá acceder a todas as axudas públicas ás que teña dereito.

O texto actual do plan contempla que unha vivenda libre de nova construción se poida cualificar como protexida despois de dous anos de recibir a licenza de primeira ocupación. A consellaría propón reducir o prazo á metade. O departamento dirixido por Teresa Táboas xa lle remitiu o escrito ao Ministerio de Vivenda, argumentando que a medida axilizaría a conversión a protexidas de numerosas vivendas baleiras.

Outra das suxestións da consellaría é suprimir o límite de superficie para as vivendas unifamiliares promovidas no medio rural para o uso propio, que segundo o plan está fixado en 120 metros cadrados. Vivenda pide que non haxa restricións á hora das axudas nas casas deste tipo en concellos de menos de 2.000 habitantes. Actualmente restrínxese a 120 metros cadrados para unidades familiares numerosas e de 90 para o resto, o que impide que moitos demandantes reciban axudas, cando no rural do país son habituais vivendas meirandes.

O terceiro cambio que pide a consellaría é que se modifique o límite de superficie computábel para as axudas á rehabilitación de vivendas, e que se teña en conta a superficie total do inmóbel.


4,5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: