O estudo de impacto ambiental da concentración está en período de exposición pública
ADEGA denuncia ante o SEPRONA unha concentración parcelaria en Vilatuxe (Lalín)
A Asociación pola Defensa Ecolóxica de Galiza (ADEGA) ven de denunciar ante o Seprona de Lalín o inicio dunha concentración parcelaria na parroquia de Vilatuxe (Concello de Lalín). Membros do Seprona confirmaron a ADEGA que o inicio das obras carece dos permisos preceptivos, como por exemplo un estudo de impacto ambiental necesario por afectar ao LIC (Lugar de Interese Comunitario) Serra do Candán, pertencente á Rede Natura. A empresa responsable da desfeita é “Francisco Gómez y Cia S.L.” de Touro, posiblemente subcontratada por SPI con enderezo en Santiago de Compostela, adxudicataria das obras.
ADEGA - 01:15 29/11/2007
O estudo de impacto ambiental da concentración está en período de exposición pública dende o día 2 de novembro durante 30 días hábiles. Ao non estar rematado o prazo de exposición pública nin emitida a correspondente declaración de impacto, a empresa adxudicataria dos traballos está cometendo irregularidades graves que deberán ser obxecto dunha sanción exemplar por tratarse dun espazo natural protexido.
Neste senso, ADEGA esixirá ás consellerías competentes, Medio Rural e Medio Ambiente así como ao Concello de Lalín, a inmediata paralización das obras e a apertura dos correspondentes expedientes sancionadores.
Sen comentarios
Novo comentario
É preciso que te rexistres para poder participar en Vieiros. Desde a páxina de entrada podes crear o teu Vieiros.
Se xa tes o teu nome en Vieiros, podes acceder dende aquí:
Se xa tes o teu nome en Vieiros, podes acceder dende aquí:
Canais:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto