Vieiros

Vieiros de meu Perfil


Edición xeral

RSS de Edición xeral
Solicitude no Parlamento Europeo

Unha delegación da UE podería desprazarse a Ferrol para avaliar as irregularidades de Reganosa

A Comisión de Peticións estuda a demanda de Esquerda Unida ao respecto. De ir adiante, os eurodeputados irían a Ferrolterra para analizaren o presunto incumprimento das directivas europeas.

Redacción - 09:00 30/11/2007

"Sobre o terreo e de xeito directo". Así quere Esquerda Unida que a Unión Europea investigue o acontecido coa planta regasificadora construída na ría de Ferrol. A principal queixa presentada esta semana no Parlamento Europeo ten que ver co incumprimento da normativa europea que esixe unha distancia mínima deste tipo de edificacións cos núcleos de poboación.

Representantes do Comité Cidadán de Emerxencia estiveron en Bruxelas convidados por esta formación política para expoñer aló as súas demandas. Na delegación ía tamén a concelleira ferrolá e coordinadora nacional de Esquerda Unida, Iolanda Díaz, quen explicou que o seu grupo lle solicitou á Comisión de Peticións do Europarlamento o nomeamento e constitución dunha delegación especial que comprobe in situ os "incumprimentos" cometidos por Reganosa nas normativas de seguridade europeas.

A primeira tenente de alcalde do Concello de Ferrol considera que é necesario que os parlamentarios atendan a denuncia dun problema que está "poñendo en perigo" a seguridade e a vida de tantos veciños. Iolanda Díaz recoñeceu que se trata dunha infraestrutura "imprescindíbel" para o desenvolvemento enerxético de Galiza, pero insistiu en que, do mesmo xeito que se fixo coa papeleira de Ence en Pontevedra, é necesario "conseguir o seu traslado ao exterior da ría".


4.56/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: