Vieiros

As forzas de seguridade francesas detiveron na mañá deste mércores, nun control de estradas, a dous presuntos membros de ETA no departamento de Lozere. A policía coida que o home e maila muller detidos poden ter relación directa co atentado do pasado sábado en Capbreton. Como resultado do mesmo, un garda civil perdeu a vida e outro, que permanecía en estado crítico, Fernando Trapero, faleceu esta mesma mañá.

Polo de agora non trascendeu o nome dos arrestados e a policía francesa agarda que se poidan practicar novas detencións nas próximas horas.