Vieiros

Vieiros de meu Perfil


Edición xeral

RSS de Edición xeral
Este sábado

Colectivos de todo o Estado protestan no Saviñao contra a caza do raposo

Unha ducia de asociacións xa anunciaron a súa presenza para trataren de boicotear unha cacería da Liga Popular de Caza do Raposo.

Redacción - 10:15 15/12/2007
Imaxe dunha cacería / Foto: Federación Ecoloxista Galega

Imaxe dunha cacería / Foto: Federación Ecoloxista Galega

Unha ducia de asociacións ecoloxistas de Galiza, Cataluña, e mais de varias rexións do Estado Español acudirán este sábado ao Saviñao (Terra de Lemos) á protesta organizada pola plataforma Matar por matar, non, en protesta por unha nova cacería da Liga Popular de Caza do Raposo.

Están previstas dúas mobilizacións. A primeira comezará ás 10.00 horas, cunha concentración fronte á casa do concello, e continuará ao longo de toda a xornada de caza, cando os participantes se distribúan polo monte para espantar os raposos.

A segunda convocatoria será ás 13.00 horas, outra vez na praza do concello, desta volta para manifestárense contra este tipo de batidas, que as asociacións ecoloxistas consideran un excesoxa que aseguran "non hai nin de lonxe tantos raposos como din os cotos de caza" que as solicitan.

A deste sábado está organizada polo tecor do Saviñao, e é puntuábel para a Copa da Federación Galega de Caza.

Entre os colectivos que polo de agora amosaron o seu apoio están: Outeiro, Amigos da Terra, ADEGA, Libera, Partido Antitaurino Contra el Maltrato Animal (PACMA), Asociación para la Conservación y el Estudio del Lobo Ibérico (ASCEL), Fundación Altarriba, Ridiomoas, Equanimal, Sociedade Ecolóxica de Ornitoloxía (SEO), Colectivo Ecoloxista do Salnés (CES), ou Ecologistas de Extremadura.


Ligazóns

5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: