Vieiros

Vieiros de meu Perfil


Fwwwrando

RSS de Fwwwrando
INFORMACIÓN CLASIFICADA AO INSTANTE

Newsmap: Cartografía da actualidade en tempo real

Como facerse cunha idea clara e rápida do lugar que ocupan os principais temas de información tratados no mundo?

Redacción - 18:01 17/12/2007

Tan simple como inxenioso, Newsmap realiza unha cartografía da actualidade en tempo real. A páxina de inicio é un tanto infantil pero o resultado ofrece unha presentación asombrosa da actualidade.

Consiste en organizar, no espazo limitado dunha pantalla de ordenador, o conxunto da información tratada na prensa de 11 países (os Estados Unidos, o Reino Unido, Francia, Alemaña, Austria, España, Italia, Australia, Nova Celandia, o Canadá, a India), baseándose nos resultados do potente motor de investigación Google News.

A páxina de inicio divídese en sete espazos. A cada un deles, correspóndelle unha categoría de información, identificada por cores: vermello para a actualidade internacional, laranxa para as novas nacionais, azul para economía, verde para os deportes, rosa para as cuestións de saúde, turquesa para a cultura...

Dentro da cada categoría, a xerarquía das novas está baseada en rectángulos de cores nos que aparecen os titulares. Canto máis recente sexa a información, máis viva é a cor dos rectángulos. O tamaño do rectángulo é maior cantas máis ligazóns teña a nova. As novas máis recentes van aparecendo na parte superior da páxina e van descendendo a medida que aparecen outras novas máis recentes.


3.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: