Vieiros

A parroquia cercedense das Encrobas volveu padecer esta fin de semana a veciñanza da central térmica de Meirama. Igual que xa ocorrera en máis ocasións, os veciños do lugar da Lousa atoparon folerpas brancas nas súas propiedades. Os restos, que conteñen elementos contaminantes, son iguais aos analizados noutras ocasións. O problema repítese cada vez que os operarios de Unión Fenosa arrancan as máquinas logo de varios días de inactividade. Porén, hai meses a delegación da Consellaría de Medio Ambiente aseguraba que o problema era puntual.

Igual que no pasado mes de marzo, os veciños volveron reclamar a presenza de axentes da Policía Local e do Seprona, que levantaron acta do sucedido. Até o lugar tamén se desprazou o alcalde de localidade, Xosé García Liñares, a quen os veciños lle pediron que intercedera diante de Unión Fenosa.