Edición xeral
A UE aproba investir 856 millóns no Programa de Desenvolvemento Rural da Xunta
Serán en total case 1.500 millóns de euros os que manexe o Plan, e a maior parte veñen de Bruxelas, 856 millóns. Este mércores confirmouse a beizón da UE a un proxecto destinado a "dinamizar e garantir a viabilidade" do rural do país.
- Anterior: entrevista con Edelmiro López Iglesias, director xeral de Desenvolvemento Rural: Inxección de 1.500 millóns de euros para a planificación "dun novo rural"
"Coherencia, transparencia e visibilidade" nas políticas para o rural foron criterios recomendados pola Unión Europea a través do novo marco normativo a partir do cal chega estoutra inxección de fondos europeos.
Nese contexto, a Consellaría do Medio Rural achegoulle a Bruxelas unha estratexia orientada a un obxectivo básico: a viabilidade social e económica das áreas rurais. Loita contra a despoboación ou estímulo do aproveitamento socioeconómico das actividades tradicionais son algúns dos eixos considerados despois da valoración de prioridades en función das necesidades "específicas e particulares" do rural galego.
Até o de agora, só Navarra recibira a beizón da UE para o seu Plan de Desenvolvemento Rural, aínda que neste caso se trataba dun programa dunha dimensión menor ca o galego. Galiza será así pioneira a nivel estatal no despregue da estratexia 2007-2013 para a construción "dun novo rural".
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto