Vieiros

Vieiros de meu Perfil


Edición xeral

RSS de Edición xeral
Viraxe estratéxica para o gasto 2007-2013

Seis anos para espremer dos eurofondos o que até o de agora se desbaldiu

Remata o longo proceso que se necesitou para chegar á sinatura coa que este xoves se confirmou a beizón da comisaria europea de Política Rexional, Danuta Hübner.

    Redacción - 09:00 21/12/2007

    Un total de 1.180 millóns de euros do total que Bruxelas acordou concederlle a Galiza leva etiqueta especial para o gasto: sociedade do coñecemento e innovación. A cifra contrasta co que desta volta chega por exemplo para a alta velocidade ferroviaria, 553 millóns. Foi unha das esixencias da Comisión Europea, despois de que a comisaria europea desta área, Danuta Hübner, amosase a súa preocupación pola irregular estratexia despregada até o de agora por Galiza na utilización dos fondos europeos. "Hai unha viraxe clara na distribución dos cartos", subliñou este xoves o conselleiro de Economía, Xosé Ramón Fernández Antonio.

    O cambio de estratexia fora xa felicitado por Hübner na súa visita hai meses a Galiza, onde comentou o "importante cambio de estratexia" proposto pola Xunta. Advertiu Hübner de que esta pode ser "a última oportunidade" para Galiza. En decembro de 2005, expertos internacionais convidados polo Goberno a un foro sobre desenvolvemento, apuntaban que nunha situación normal de xestión a renda media de Galiza podería ser como mínimo "un 20% maior" do que é na actualidade. Falaban daquela os analistas económicos do inexplorado potencial do país e sinalaron que non debera haber escusa para que a vizosa entrada de subvencións europeas fomentase niveis de crecemento económico de até máis do dobre do que foron as cifras reais desde a década dos 90.

    Anterior: Galiza é a segunda comunidade do Estado que máis axudas vai recibir da UE nos vindeiros seis anos


    4.33/5 (6 votos)


    Sen comentarios

    Novo comentario

    É preciso que te rexistres para poder participar en Vieiros. Desde a páxina de entrada podes crear o teu Vieiros.

    Se xa tes o teu nome en Vieiros, podes acceder dende aquí: