Vieiros

Vieiros de meu Perfil


Edición xeral

RSS de Edición xeral
Desestiman a demanda do goberno español

Un xulgado estadounidense facilítalle a ABS saír do proceso sen dar contas polo Prestige

A xuíza subliña que os EUA non asinaron a convención internacional sobre danos por contaminación de petróleo. Segundo iso, a empresa ABS, que clasificara o Prestige como "apto" para a navegación, non estaría obrigada a atender as reclamacións.

Redacción - 09:00 03/01/2008

A presunta neglixencia da que se acusaba á empresa American Bureau of Shipping non foi argumento abondo para que a xustiza a obrigase a responder polas irregularidades na certificación da navegabilidade do Prestige. O xulgado de Nova York onde se dirimía o caso, resolveu finalmente aceptar as alegacións da clasificadora.

Entre os principais factores cos que ABS consegue saír do proceso sen pagar ren, está o afastamento dos Estados Unidos da Convención Internacional de Responsabilidade Civil para Danos por Contaminación de Petróleo. A xuíza Laura Taylor indica na sentenza que os EUA non asinaron de momento este acordo, o que lle impediría ao goberno español reclamar compensacións económicas aló. Malia iso, tanto o Estado español como as Bahamas, bandeira esta baixo a que navegaba o Prestige, si asinaron ese texto.

Por outro lado, entre as argumentacións de ABS tamén estaba a defensa de que, independentemente da revisión realizada ao buque, que a empresa aseguraba que fora correcta, consideraban que a catástrofe podería ter sido dunha menor dimensión ou terse evitado se o goberno español actuase doutra maneira durante a crise.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: