Vieiros

Aymerich tamén se referiu á constitución das comisións de investigación sobre as obras do Monte Gaiás e sobre o colapso da Vía do Salnés, exemplos do que na súa opinión é a demostración da capacidade da Cámara de "esclarecer de forma áxil e rigorosa a xestión realizada por anteriores gobernos".

O voceiro nacionalista considera que o fracaso en xaneiro do intento de reforma do Estatuto, marcou o ano parlamentario, pero destaca que se atopasen "outras vías" para avanzar nos "obxectivos prioritarios" marcados polo grupo do BNG. Citou ao respecto a recente proposición de lei aprobada para esixirlle ao goberno español o traspaso de tráfico. Salientou ademais a "mellora" no status do galego, a través da aprobación da norma que regulamenta o seu uso no ensino non universitario.