Vieiros

2.676 sitios web do mundo foron pechadas ou suspendidas no 2007, segundo as cifras anuais publicadas por Reporteiros sen Fronteiras. Por primeira vez, a ONG adica un capítulo á ciber censura, cunhas cifras que seguen sendo inquietantes, con 86 xornalistas asasinados e 67 encerrados o ano pasado.

Segundo RSF, "nalgúns países, Internet está tan censurada como a prensa tradicional". No 2007, 37 blogueiros foron xulgados, outros 21 atacados e agredidos, e 65 ciberdisidentes encarceados, dos cales tres Chineses levan presos desde 1999 (a lista en RSF).

China, pioneira en materia de ciber-represión, encabeza a lista con 2.500 web pechadas antes e durante o 17 Congreso do Partido comunista chinés. Un "black-out" que tén toda a pinta de repetirse de cara aos Xogos Olímpicos de Pequín neste 2008.

Outra técnica eficaz dalgúns Gobernos: a persecución de blogueiros. A última vítima, o Saudí Ahmad Fouad al-Farhan, 32 anos, que denunciaba na súa web a corrupción dos dirixentes de Arabia Saudí e o tratamento dos presos políticos. Foi detido o 10 de decembro.

Transformar Internet en intranet
Algúns países innovan con técnicas máis sutís. Os sitios dos blogueiros poden virarse inaccesibles durante dous días, logo volta a poñer en liña, logo de novo desactivado. O obxectivo, segundo RSF: "arruinar a credibilidade de webs populares non censurando de maneira demasiado evidente, senón simulando problemas técnicos recorrentes".

Estas webs permiten a coñecer no estranxeiro feitos que molestan aos poderes locais. E se os blogs chineses, exipcios ou bielorusos están cheos de testemuños escritos, é a imaxe a que garda o máis forte impacto para chamar a atención. 2007 proporcionou un exemplo cando o xornalista e blogueiro exipcio Wael Abbas pon en liña vídeos de policías que torturaban e que violaban un sospeitoso en xaneiro pasado.

RSF publicou en outubro de 2007 un informe sobre China, titulado "Viaxe ao corazón da censura de Internet". A ONG puxo tamén en liña un manual do perfecto ciberdisidente.