Vieiros

O manifesto eloxia a política cultural levada a cabo por Manuel Maria Carrilho entre 1995 e 2000, durante o goberno de António Guterres. Os asinantes colócano como referencia e modelo, por ter realizado "un proxecto consistente, con coñecemento da realidade tanto no campo da creación artística coma no campo da xestión e dinamización do patrimonio cultural". O manifesto conclúe esixindo "un ministro cun proxecto, consciente das necesidades e prioridades deste campo e posuidor dun verdadeiro desexo de construción e crecemento desta área no noso País".

O texto pide a dimisión de Isabel Pires de Lima, a actual responsábel da política cultural, mais tamén critica duramente a xestión realizada por todos ministros os ministros de Cultura dende o ano 2000: José Sasportes, Augusto Santos Silva, Pedro Roseta e Maria João Bustorff.

Entre os asinante encontranse os realizadores Raquel Freire, José Nascimento, João Canijo e Catarina Mourão, os coreógrafos Vera Monteiro, Olga Roriz e Tiago Guedes, así como varios escritores, fotógrafos, arqueólogos, xestores culturais, actores, galeristas, arquitectos e músicos. En concreto, o escultor Rui Chafes xustificou o seu apoio á petición en que "é esencial que sexa creada unha rede de cultura contemporánea fóra de Lisboa e do Porto. As persoas que viven fóra dos grandes centros urbanos tamén devem ter acceso á cultura".